Дар Душанбе боз замин ҷунбид
Соати 22:06 дар Душанбе замин ҷунбид. Дар як моҳи охир ин чорумин ҳолати заминларза аст. Дар қиёс ба зилзилаҳои қаблӣ шиддати заминҷунбии имшаб хеле заиф буд.
Ёдовар мешавем, рӯзҳои 10 ва 11 ноябр низ дар Душанбе замин ҷунбид. Шиддати сахти заминро сокинони пойтахт ва навоҳии атрофи он эҳсос карданд.
Дар лаҳзаҳои аввали заминларза Марказҳои зилзиласанҷии ҷаҳон шиддати онро дар марказаш 5,5 ва дар Душанбе 5,2 балл аз рӯи ҷадвали Рихтер гуфтанд. Аммо ба иттилои Маркази зилзилашиносии Тоҷикистон, шиддати ларзиши замин дар маркази он – 26 километрии ҷанубу шарқии Душанбе дар қаламрави ноҳияи Ёвон, 4,7 балл будааст. Дар пойтахти кишвар бошад, шиддати заминҷунбӣ 4 баллро аз рӯи ҷадвали Рихтер ташкил додааст.
Ин ду зилзила дар ноҳияи Рӯдакӣ ва шаҳри Ваҳдат даҳҳо манзилро хароб кард. Дар мавриди хисороти заминҷунбии имшаб алъон иттилое рӯи даст нест.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |