Танҳо як дарсади сокинони Русия ба Раҳмон бовар доштаанд
Маркази умумирусиягии омӯзиши афкори умум, ки ҳамасола муносибати мардуми Русияро ба кишварҳои собиқ шӯравӣ меомӯзад, имсол муайян намудааст, ки аз ҳама кам шаҳрвандони ин кишвар ба Эмомалӣ Раҳмон, раисиҷумҳури Тоҷикистон ва Қурбонгулӣ Бердимуҳаммадов, раисиҷумҳури Туркманистон эътимод доранд.
Тибқи назарпурсии ин марказ, ки дар 45 минтақаи Русия гузаронда шудааст, 41 дарсади пурсидашудагон гуфтаанд, аз ҳама зиёд ба Александр Лукашенко, раисиҷумҳури Белорусия боварӣ доранд. Нурсултон Назарбоев, раисиҷумҳури Қазоқистон дар ин назарпурсӣ сазовори эътимоди ҳамагӣ 33 дарсади русиягиҳо шудааст. Сарвари Украина 10 дарсади овозҳоро соҳиб шудааст.
Дар ин назарпурсӣ Илҳом Алиев, раҳбари Озарбойҷон -5%, Серж Саргасян, раҳбари Арманистон-3%, Ислом Каримов, президенти Узбакистон, Николае Тимофтӣ, раҳбари Молдова ва Алмосбек Отамбоев, раисиҷумҳури Қирғизистон 2%-ии овозҳоро соҳиб шудаанд. Собиқ раисиҷумҳури Гурҷистон низ 2 дарсади овозҳоро гирифтаст.
Ба иттилои Маркази омӯзиши афкори умум, аз ҳама кам эътимоди русиягиҳоро Эмомалӣ Раҳмон, раисиҷумҳури Тоҷикистон ва Қурбонгулӣ Бердимуҳаммадов, раисиҷумҳури Туркманистон ба даст овардаанд, ки ҳамагӣ 1 дарсадии овозҳои пурсидашудагонро гирифтаанд.
Инчунин ин назарпурсӣ муайян намудааст, ки ҳамагӣ 1 дарсади русиягиҳо Тоҷикистонро дар сатҳи байналмилалӣ иттифоқчии боэътимод хондаанд, ки охирин нишондод аст. Дар умури соҳибкорӣ тибқи назарпурсӣ ягон шаҳрванди Русия намехоҳад дар Тоҷикистон соҳибкории худро ба роҳ монад
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |