Бахшҳо

Маҳрумияти Юсуф Қарзовӣ аз ироаи хутбаи намози ҷумъа

Амири Қатар Юсуф Қарзовӣ, раиси Иттиҳоди уламои олами Исломро аз ироаи хутбаи намози ҷумъа дар масҷиди Умар ибн ал-Хаттоби Доҳа маҳрум кардааст.

Расонаҳои хабарӣ ва сарчашмаҳои интернетии арабзабон менависанд, ин қарор аз сӯи Тамим ибн Ҳамад Оли Сонӣ, амири давлати Қатар, гӯиё дар пайи таниши лафзии ӯ бо Ҳамад ибн Ҷосим, собиқ нахуствазири ин кишвар дар мавриди сиёсати хориҷии давлаташон гирифта шудааст.

Дар ҳамин ҳол, манобеи хабарӣ мегӯянд, раиси Иттиҳоди уламои олами Ислом ҳафтаи гузашта барои адои намози ҷумъа ҳозир нашудааст. Аз сӯи дигар, худи Юсуф Қарзовӣ низ дар саҳифаи шахсияш дар Твиттер аз ҳаводорон ва намозгузорони масҷиди мазкур узрхоҳӣ карда, бидуни шарҳ гуфтааст, наметавонад, дар намози ҷумъаи ин ҳафта иштирок ва мавъиза кунад. Вале то ҳол хабари маҳрум шудани Юсуф Қарзовӣ аз ироаи хутбаи намози ҷумъа таъйиди расмии худро аз ҷониби мақомоти Қатар ва раиси Иттиҳоди уламои Олами Ислом наёфтааст.

Расонаи хабарии арабзабони “24” навиштааст, раиси Иттиҳоди уламои олами Ислом аз ироаи хутбаи намози ҷумъа баъд аз мавъизаи охирини худ алайҳи артиши Миср ва ҳукумати муваққати ин кишвар маҳрум гардидааст. Ба иттилои манбаъ, собиқ нахуствазири Қатар тавассути раиси Хадамоти мухобироти ин кишвар аз амир дархост намудааст, то ҷилави Юсуф Қарзовиро, ки ахиран алайҳи мақомоти қудратии бархе кишварҳои арабӣ, аз ҷумла Сурия ва Миср баромад мекунад, гирад.

Ин дар ҳолест, ки қаблан Ҳушом Баракот, додситони кулли ҳукумати муваққати Миср бо ирсоли як нома ба унвони пулиси байналмилал ё худ Интерпол хоста буд, ки Юсуф Қарзовиро боздошт ва ба ҳукумати кишвараш таслим намояд. Баракот дар ин номаи худ таъкид кардааст, раиси Иттиҳоди уламои олами Ислом яке аз дастандаркорони қазия “Ҳамла ба маҳбасҳои Миср”-и 25 январи соли 2011, ки Муҳаммад Мурсӣ низ дар он айбдор мешавад, муттаҳам аст. Вазорати умури дохилии Миср низ бо қарори як фармон номи Юсуф Қарзовиро дар рӯйхати афроди дар кофтукоб қарор дошта ворид карда, ба масъулини ин ниҳод дастур додааст, то ҳангоми вуруди Қарзовӣ ба қаламрави ин кишвар ӯро боздошт кунанд.

Юсуф Қарзовӣ 88 сол дошта, яке аз руҳониёни маъруфи мисрӣ ва раиси Иттиҳоди уламои мусулмонони ҷаҳон мебошад. Ӯ бо нашри китобу мақола ва барномаҳои телевизионии динияш миёни мардуми мусулмон мавқеи хосеро касб карда, вақтҳои охир бо мавқегириҳои шадид нисбат ба бархе ҳукком ва сарони кишварҳои арабӣ дар сархати расонаҳои хабарӣ қаро гирифтааст. Қарзовӣ тӯли чанд муддат аст, Мисрро ба қасди Қатар тарк карда, то кунун имом-хатибии масҷиди Умар ибн ал-Хаттоби шаҳри Доҳаро ба зимма дорад.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
Озодагон! Лутфан дар навиштани хабар дақиқкор боше, хабарҳои дурӯғро паҳн накунед!!! Юсуф Қарзовӣ аз ироаи хутба маҳрум нашудааст!!! Рӯзи ҷумъа дар масҷиди мазкур хутба намуд!!!!!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Октябр 2022    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)