10 янв 2014 10:48Оcиёи Марказӣ / Тоҷикистон
Раҳмон: Дуду хокистари Маркази гармидиҳӣ зарар намеорад (АКС)
Тибқи иттилои дафтари матбуоти раисиҷумҳури Тоҷикистон Эмомалӣ Раҳмон, зимни ифтитоҳи навбати аввали Маркази барқу гармидиҳии шаҳри Душнбе гуфт, ба истифода додани чунин марказ дар рӯзҳои сарди фасли зимистон барои сокинони пойтахт рӯйдоди хотирмони ва боз як қадами устувор дар роҳи таъмини истиқлолияти энергетикии кишвар мебошад.
Президент иброз доштаааст, ки бо оғози фаъолияти маркази мазкур, садҳо хонаҳои истиқоматӣ, муассисаҳои таълимиву фарҳангӣ, шифохонаву дармонгоҳҳо ва дигар иншооти иҷтимоии Душанбе бо нерӯи барқу гармӣ таъмин мегарданд: “Дар натиҷаи ба фаъолият оғоз кардани корхонаи имрӯза хатти интиқоли барқи баландшиддати 220-киловолтаи он ба зеристгоҳи “Душанбе-500” пайваст шуда, корҳо ҷиҳати пайвастани шоҳқубури гармидиҳӣ то қубурҳои мавҷудаи гармигузаронии шаҳр ба масофаи зиёда аз се километр ва дигар иншооту биноҳои маъмурии марказ идома дода мешаванд”.
Эмомалӣ Раҳмон қайд намудааст, ки дар ин марказ бо истифода аз техникиву технологияи муосир барои безараргардонии партов, яъне меъёрҳои замонавии экологӣ ҳамаи тадбирҳои зарурӣ андешида шуда, қаблан дуди ангишт аз полоиши барқӣ ё электрофилтр гузаронида мешавад ва баъдан тавассути дастгоҳи махсус поксозӣ шуда, 99,8 фоиз безарар гардонида мешавад, ки ин нишондиҳанда ба меъёрҳои ҷаҳонӣ мутобиқат менамояд.
Раисиҷумҳур илова намудааст, ки ҷиҳати аз гардбоди ғализ эмин нигоҳ доштани муҳити зисти шаҳри Душанбе хокистари ангишт тавассути таҷҳизоти шабакаи махсуси пӯшида барои нигоҳдории муваққатӣ ба зарфҳои алоҳидаи махсус интиқол дода мешавад: “Роҳбарияти корхона барои истифодабарии самараноки хокистари Маркази барқу гармидиҳӣ бо ширкатҳои ватании истеҳсолкунандаи масолеҳи сохтмон шартнома бастааст, ки чунин иқдом боиси пурра аз байн бурдани таъсири манфӣ ба муҳити зист мегардад.”
Эмомалӣ Раҳмон иброз доштааст, ки навбати дуюми марказ то охири нимсолаи якуми соли равон ба истифода супорида мешавад ва шубҳае нест, ки ин кор низ бо сифати баланд ва дар муҳлати муқарраршуда амалӣ мегардад.
Президент ҳамчунин илова намудааст, ки дар иншоот бо иқтидори 90 гигакалория гармӣ истеҳсол карда мешавад, ки бо чунин ҳаҷми гармӣ дар масоҳати 1,3 миллион метри мураббаъ манзилҳои истиқоматӣ ва дигар иншооти шаҳри Душанбе бо гармӣ таъмин карда мешаванд: “Ба ҳолати аввали соли 2013 дар Душанбе наздики 8,2 миллион метри мураббаъ манзили истиқоматӣ мавҷуд буда, бо дарназардошти пурра ба фаъолият оғоз кардани Маркази барқу гармидиҳии Душанбе-2 имконият пайдо мешавад, ки иловатан боз 40 фоизи аҳолии пойтахт бо гармӣ таъмин карда шавад”.
Дафтари матбуоти раисиҷумҳур мегӯяд, барои беҳбуди таъмини мардуму муассисаҳо бо барқу гармӣ, соли 2012 миёни Тоҷикистону Чин созишнома доир ба бунёди Маркази барқу гармидиҳии Душанбе-2 ба имзо расида буд: “Сохтмони Марказ моҳи ноябри соли 2012 бо арзиши лоиҳавии 870 миллион сомонӣ оғоз гардид ва имрӯз навбати аввали он ба истифода супорида шуд.”
Маркази барқу гармидиҳӣ аз ду дегхонаи энергетикии дорои иқтидори умумии беш аз 100 мегаватт ё худ қариб дуюним миллион киловатт-соат нерӯи барқ дар як шабонарӯз иборат буда, бо истифодаи ангишти маҳаллӣ, ки захираи он дар минтақаҳои мухталифи кишварамон фаровон аст, фаъолият менамояд.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
