22 янв 2014 16:16Тоҷикистон / Иқтисодӣ / Тема дня

Боздошти 2 масъули гумрук барои "мансабфурӯшӣ"

Оҷонсии мубориза бо фасоди Тоҷикистон ду мансабдори Хадамоти гумрукро барои фасодкорӣ боздошт намудааст.

Ба иттилои дафтари матбуоти ин ниҳод Шарифхон Носиров, сарнозири дидбонгоҳи гумруки "Регар" барои гирифтани пора ба маблағи 13 000 доллари амрикоӣ боздошт шудааст.

Манбаъ мегӯяд, Носиров дар ҳамдастӣ бо Анвар Хоҷаев, сардори дидбонгоҳи гумрукии Раёсати минтақавии гумрукӣ дар Душанбе барои таъинот ба вазифаи сарнозири дидбонгохи гумрукии "Регар"- дар шаҳри Турсунзода маблағи 15 000 доллари амрикоиро ҳамчун пора талаб намудаанд.

Оҷонсии зидди фасод меафзояд, ки рӯзи 21 январ зимни гузаронидани ҳаракати тафтишотию фаврӣ Шарифхон Носиров, баъд аз гирифтани пора ба маблағи 13 000 ҳазор доллар дастгир гардид. Ин ниҳод таъкид мекунад, ки аз боздоштшуда далелҳои шайъӣ гирифта шуда, айни ҳол тафтишоти пешакӣ идома дорад.

Мӯҳр

Хабарҳои монанд:

Фармасевт

Офарин мухтарам Фаттох Саидов, барои ин амалиёти гузаронидаатон мукобили ришвагирон дар Хадамоти гумрук. Агар ин амалхоро мукобили кормандони Халамоти назорати фармасевти хам мегузаронидед, бехтарин кор мешуд. Кормандони ин Хадамот пурра аз худ рафтаанд ва доим аз мо сохибкорон мачбури ришва меситонанд.Ягона умеди мубориза мукобили порагирон Шумоед.
Худованд Шуморо дар панохаш нигох дорад

Ҷавоб диҳед Иқтибос Шикоят

абдуллох

бадтарини мардум дар назди худо бочгиронанд

Ҷавоб диҳед Иқтибос Шикоят

Хамон

Арзон будаст )

Ҷавоб диҳед Иқтибос Шикоят

Акикат

Худо доност ки чи кор мекунад паставит кадан шери нара Ака Анвара

Ҷавоб диҳед Иқтибос Шикоят

Гоиб

Бубинед ин худаш танхо нест хатман сардорони болои олудаанд лек афсукс зури очонси ба ин мансабдорон намерасад.