Шаҳло Мӯсоева ба курсии раиси ТВ “Пойтахт” нишаст
Шаҳло Мӯсоева, ки то ин дам ба ҳайси мудири бахши фарҳанги ҳукумати шаҳри Душанбе кор мекард, роҳбари телевизиони “Пойтахт” таъин шуд. Хонум Мӯсоева гузашта ба унвони ноиби раиси Кумитаи ҷавонони Тоҷикистон низ кор кардааст.
Раҳбари нави ТВ "Пойтахт" дар сӯҳбати рӯбарӯе, ки 28 январ бо хабарнигори “Озодагон” дошт, гуфт, ошноияш бо фаъолияти шабака рӯзи сешанбе оғоз ёфта, аммо дар ҳоли ҳозир нақшаи тағйири шеваи кор ё барномаҳои ин телевизионро надорад. Ӯ афзуд, баъд аз омӯзиши кори мутахассисони телевизион ва шеваи кори онҳо тасмим хоҳад гирифт, ки дар минбаъда чӣ гуна фаъолият хоҳанд бурд.
Бо ин ҳол, Шаҳло Мӯсоева гуфт, талоши онҳо бештар сари он хоҳад буд, ки дар ин шабака ҳарчӣ зиёдтар кори шаҳрдорӣ ва масоили марбут ба он баррасӣ гардад. "Дар масъалаи ҳайати эҷодӣ танҳо ҳаминро мегӯям, ки мутахассиси хуб ба кори худ идома хоҳад дод",-афзуд ӯ.
Шаҳло Мӯсоева дар мақоми раиси телевизиони “Пойтахт” Абдуқодири Абдуқаҳҳорро иваз кардааст, ки рӯзи 27 январи соли ҷорӣ баъд аз мулоқоташ бо Маҳмадсаид Убайдуллоев, шаҳрдори Душанбе, эълон кард, аз раҳбарии ин телевизион истеъфо дод. Ҳарчанд Абдуқодири Абдуқаҳҳор аз ҷузъиёти ин тасмими худ худдорӣ кард, вале бино ба иттилои дарёфтӣ, истеъфои ӯ дар пайи “якдигарнофаҳмиҳо” бо шаҳрдорӣ дар мавриди фаъолияти ин шабака сурат гирифтааст, ки тибқи хостаи шаҳрдорӣ ин шабака бояд соҳавӣ мешуд, аммо Абдуқодири Абдуқаҳҳор ба он розӣ нашудааст.
Телевизиони “Пойтахт” соли 1996 таъсис ёфта, муассисаш ҳукумати шаҳри Душанбе мебошад. Дар аввал раҳбарии ин телевизионро Раҳмон Остон бар ӯҳда дошт ва соли 2012 курсияшро ба Абдуқодири Абдуқаҳҳор дод. Телевизиони “Пойтахт” шабакаи иттилоотӣ, фарҳангӣ-фароғатӣ ба шумор рафта, дар аҳди Абдуқодири Абдуқаҳҳор, ки охирҳои соли 2012 ба ин мақом таъин шуд, барномаҳои худро 20 соат дар як шабонарӯз пешкаши бинандаҳо мекард. Аммо пас аз чанде, бахусус баъд аз пахши навор дар бораи Гулрухсор Сафиева, аз фаъолият бозмонд ва дуюмбора танҳо бо пахши 8-соатаи барномаҳо фаъол шуд. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |