04 фев 2014 16:16Хабарҳои ҷаҳон

Дуюмин маймуни кайҳоннаварди эронӣ ба замин баргашт

Донишмандон ва мутахассисони соҳаи кайҳоннавардии Эрон барои бори дуюм маймун ё бузинаеро ба фазо фиристода, барои зинда баргаштани он ба замин муваффақ шудаанд. Ин маймун, ки аз он “Фаргом” ном бурда мешавад, тавассути ковишгари “Пажуҳиш” ба кайҳон фиристода шуда, баъд аз гардиши 15 дақиқа дар баландиии 120 километр ба замин дубора баргашт.

Дар ин муддат донишмандони соҳаи кайҳоннавардии Эрон тавонистаанд, нишонаҳои муҳити дарунии маҳмула ё худ капсуле, ки тавассути он “Фаргом” ба фазо сафар дошт, аз ҷумла, садову тасвир ва таркиби ҳавои дохилии онро сабт ва мавриди омӯзиш қарор диҳанд. Инчунин ба онҳо имкон шудааст, вазъи саломатии мавҷуди зинда, аз ҷумла тапиши қалбу шохисҳои таъйинкунандаи ҳолати умумии он дар тӯли парвозро бо дастгоҳҳои заминӣ муроқибат ва мушоҳида кунанд.

Мутахассисони эронӣ мегӯянд, ҳадаф аз фиристодани маймун, рушди соҳаи кайҳоннавардӣ ва гоми аввалине барои фиристодани инсон ба кайҳон мебошад. Онҳо бар инанд, ки партоби ин капсул бо шумули маймун ба фазо ва баргашти солими он ба замин дастоварди бузурги Эрон дар самти фиристодани инсон ба кайҳон арзёбӣ мешавад. Ба гуфтаи масъулини эронӣ, далели аслии фиристодани маймун ба кайҳон на ҳайвони дигар дар он аст, ки маймун ба инсон шабоҳати зиёд дорад: “Ҳайвоне, ки ба кайҳон фиристода мешавад, бояд ба иловаи қобилияти таълимпазирӣ хусусиятҳои физиологии он низ ба инсон зиёд монанд бошад, то чизҳои дидаву дониши касб кардаи худро ба одамӣ пешкаш кунад.”

Фиристодани маймун ба кайҳон аз сӯи донишмандони эронӣ бори аввал нест, онҳо моҳи феврали соли 2013 низ маймунеро ба кайҳон фиристода буданд. Вале баъд аз омӯзишу таҳқиоқти зиёд ва дастовардҳои ҷадид онҳо дубора барои фиристодани маймун ба кайҳон тасмим гирифтанд. Гуфта мешавад, ин дастоварди муваффақиятомези донишмандони кайҳонавард ҷойгоҳи Эронро дар фановарии ҳаёт дар кайҳон беш аз пеш собит мекунад.

Эрон бо партофтани нахустин моҳвораи комилан миллияш дар соли 2008 тавонист вориди бошгоҳи кайҳонии ҷаҳон шавад.

Мӯҳр

Хабарҳои монанд:

Tojik

ahsan ba Iron odamhoro tamom kard boz maimunhoro ba kaihon firistod

Ҷавоб диҳед Иқтибос Шикоят

професори дуругин

мо лечик надорем ерони бузурги мо маймуноша ба кайхон равон мекунад

Ҷавоб диҳед Иқтибос Шикоят

hamzabon

бараые хаммаые арыеа назадан.паёмбар ислам гофта ,агар елм дар сораыя башад , ираниян онра меамозанд.

Ҷавоб диҳед Иқтибос Шикоят

Асомуддин

nakho dar oyanda ay tojikoham kayhonavard nabroya

Ҷавоб диҳед Иқтибос Шикоят

Муслим

Ассалому алайкум
Нафароне,ки зидди Эрон ва мардуми Эрон харф мезанед, бинед кани дар ховари миёна дигар ягон давлате хаст, ки фанноварихову рушди илму техникааш ба дарачаи Эрон расида бошад.
Давлатхои араб ва шайххои араб факат дар фикри кайфу сафову колексия мошину футболу , пойгаи шутуру таракану паша хастанд.

Ҷавоб диҳед Иқтибос Шикоят

Эзоҳ илова кунед