18 фев 2014 16:18Тоҷикистон / Акс / Видео

Масҷиди Шайх Зайд дар Абу-Дабӣ аз дурбини "Озодагон" (АКСУ ВИДЕО)

Нилуфари Карим, хабарнигори “Озодагон”, ки бо як сафар дар Дубай қарор дошт, аз масҷиди Шайх Зайд дар Абу-Дабӣ ҳам боздид кард. Ин масҷид дар як вақт 40 ҳазор нафарро дар худ ғунҷонда, танҳо толори асосияш барои 7 ҳазор тан пешбинӣ шудааст.

Масҷид дар соли 2007 бунёд ва ба номи Зайд ибни Султон ан-Наҳайян, ки ҳамчун асосгузори Имороти Муттаҳидаи Араб ва раисиҷумҳури нахустини он мебошад, номгузорӣ шудааст. Шайх соли 2004 даргузашта ва дар ҳамин масҷид дафн гардидааст. Беруни масҷид бо 57 гунбази мармари сафед ороиш ёфта, дар чаҳор гӯшаи он манораҳое ба баландии 115 метр қад кашидаанд. Барои тамошо ба масҷид на танҳо мусалмонҳо, балки пайравони адёни дигар низ метавонанд ворид шаванд.

Як масъули масҷиди Шайх Зайд гуфт, ки қолину қандили бузургтарини ҷаҳон дар ҳамин ибодатгоҳ ҷойгир аст. Ба қавли ӯ, қолини масҷид панҷуним километри мураббаъ тӯл дошта, вазнаш 47 тонна будааст “Ин қолин аз рӯи наққошии рассоми эронӣ Алӣ Холиқӣ омода шуда, онро 1 ҳазору 200 нафар бофтаанд. Паҳноии қандили масҷид 10 метр ва баландии он 15 метр буда, ба Китоби рекордҳои Гиннес ҳам шомил шудааст”,-гуфт мусоҳиби мо.

Дар як тарафи ин масҷид 99 номи Худо низ бо тартиб бо забони арабӣ навишта шудааст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Хонанда

Бисёр зебо. Аммо зеботар масчид дили инсон аст, агар он ба Худованд наздик бошад.

Ҷавоб диҳед Иқтибос Шикоят

Диловар

Хабар хеч чои таачуби надорад.Как будто хай фахмен ки хабаргорони мохам рафтагиян хамуча..))) Маълумотора ай википедияхам любой одам метона ёфта.

Ҷавоб диҳед Иқтибос Шикоят

Турист

Нахаян ба Руси мешава ба точики Нахайи яьне аз кавми Нахайи хеле кавми махшур бдан хато аз ин кавм муштахидони зиедерам хаст ба монанди Абдурахмони Нахайи

Ҷавоб диҳед Иқтибос Шикоят

Намозхон

Хайфи ин кадар зебу зиннат дар холе, ки аксари мардуми мусалмон дар зулму ситам ва гуруснаги сар мебаранд. Масчидро намозгузор(танхо мусалмон) зиннат медихад на ин ки сайёх(турист). Бе намозгузор масчид чуз иморат дигар кадре надорад. Худои мехрубон ба мо номуси исломи дихад ва намозро бошад дар руи хору хас низ мехонем.

Ҷавоб диҳед Иқтибос Шикоят

Салмон

Ин қолин аз рӯи наққошии рассоми эронӣ Алӣ Холиқӣ омода шуда боз хам дасти эронии гулкор расидааст набошад арабт биёбонгард аз пашму гушту ширу лабони овезони шутур чиро хам метавонад кашад ва чашад.

Ҷавоб диҳед Иқтибос Шикоят

Эзоҳ илова кунед