Бахшҳо

Узрхоҳии Янукович аз сокинони Украина барои "ноуҳдабароияш"

Виктор Янукович, раисиҷумҳури фирории Украина, ки чанд рӯзи охир дар куҷо буданаш номаълум буд, дар Ростови лаби Дони Русия пайдо шуда, шоми 28 феврал нишасти хабарӣ доир кард.

Дар лаҳзаҳои аввали гуфтугӯ бо хабарнигорон Янукович вазъи кунунии Украинаро шармандагӣ донист ва аз тамоми сокинони кишвараш барои он ки натавонист оромиро ҳифз кунад, маъзаратхоҳӣ кард. “Аз тамоми ветеранҳо ва мардуми Украина узр мепурсам, ки натавонистам, оромӣ дар кишварро ҳифз кунам”,-таъкид дошт ӯ.

Янукович хабарҳоро дар бораи он ки гӯиё аз Украина фирор кардааст, рад намуд. Ӯ гуфт, ҳаргиз аз Украина фирор накардааст, балки хатари нобудшавӣ ӯро дуртар аз кишвараш нигоҳ медорад, ки дар сурати шароит фароҳам омадан ва додани кафолат боз ба онҷо бархоҳад гашт. Раисиҷумҳури барканоршудаи Украина афзуд, барои ояндаи кишвараш муборизаро идома хоҳад дод. "Ман бори дигар мегӯям, президенти қонуниям, ки дар пайи интихоботи озоду шаффоф ба курсӣ нишастаам ва ҳамин тавр хоҳам боқӣ монд",-таъкид дошт Янукович.

Дар мавриди оғози парвандаи ҷиноӣ алайҳи ӯ ва масдуд шудани ҳисобҳои бонкияш, Янукович гуфт, “ман бори дигар мегӯям, ки қонунҳои қабулкардаи онҳоро намепазирам. Ин факти ҳуқуқиест, ки аз президент будани ман шаҳодат медиҳад. Аз тамоми иштирокдорони ин бесарусомонии Украина даъват мекунем, то ҳоло фурсат ҳаст, ҳамроҳ бо хоҷагони хориҷияшон аз роҳ баргарданд”.

Дар мавриди Юлия Тимошенко ва бозгашти ӯ ба саҳнаи сиёсат, Янукович изҳор дошт, ки ӯ намедонад, тақдири минбаъдаи собиқ нахуствазири Украина чӣ мешавад: оё дар интихобот иштирок хоҳад кард, ё не. “Ба ин савол бояд мардуми Украина худ ҷавоб диҳад. Ӯро додгоҳи Украина маҳкум кард ва дар шароити хуб дар маҳбас ба сар мебурд. Ман бар зидди ӯ чизе надораму накардаам, вале шартномаи ӯ бо Русия ба Украина миллионҳо зарар овардааст”,-таъкид дошт раҳбари барканоршудаи Украина.

Дар посух ба суоли он ки “агар таҳқиқи додгоҳи Гаага оғоз шавад, Шумо худро таслим мекунед ё не?”, гуфт, “аввал бояд таққиқи мустақилона сурат гирад ва баъд аз таҳқиқи мунсифона метавон дар бораи кадом як додгоҳ ҳарф зад”. “Ман бовар дорам, бо гузашти вақт ҳақиқат рӯи об мебарояд. Ҳоло, мутаассифона, намоиши даҳшатбори театрӣ идома дорад. Ин ҳама бояд бо сулҳ тамом шавад ва ин сенария аз хориҷ роҳандозӣ шудааст”.

Виктор Янукович дар мавриди он ки оё то ин дам бо Владимир Путин, раисиҷумҳури Русия дидор кардааст ва ё не, гуфт, “ман то ҳол бо Путин вонахӯрдаам, вале ҳар вақте ин вохӯрӣ баргузор шавад, миёни мо дар мавриди ин ҳама рӯйдодҳо баҳсе ба миён хоҳад омад. Ҳоло барои он ки Русия чӣ кореро бояд анҷом диҳад, чизе гуфтан барвақт аст. Аммо ҳаминро мегӯям, Русия набояд дар ин вазъияти шарики бузурги стратегӣ ва ҳамсояаш худро бетараф гирад ва он бояд аз ҳама нерӯи худ барои аз байн бурдани бесарусомониҳои Украина истифода кунад.”

Аз ин пеш, расонаҳои русӣ хабар дода буданд, ки ҳавопаймои раисҷумҳури фирории Украина дар ҳалқаи ҷангандаҳо дар Ростови лаби Дон фуруд омадааст. Ба иттилои манобеъ, ҳавопаймо наздикиҳои соати 22:00 (ба вақти маҳаллӣ) дар фурудгоҳи ҳарбии Ростов нишастааст. Гуфта мешавад, Янукович дар як манзили шахсӣ ба сар мебарад, на дар бӯстонсаро барои ашхоси баландмақом.
Мӯҳр
ислом.70mail.ru
ин аст окибати худкоми

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Декабр 2022    »
ДушСешЧорПанҶумШанЯкш
 1234
567891011
12131415161718
19202122232425
262728293031 
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)