Бахшҳо

“Фирор”-и 21 гурезаи афғон аз Тоҷикистон ба далели бекорӣ (ВИДЕО)

Ҳумайрои БАХТИЁР

Танҳо дар ду моҳи соли ҷорӣ 21 гурезаи афғон ба далели наёфтани ҷои кор Тоҷикистонро тарк карда, дубора ба Ватани худ баргаштаанд. Дар ин бора Наҷиба Ширинбекова, мудири иҷроияи созмони “Ҳуқуқ ва рушд”, ба “Озодагон” иттилоъ дод.

Ширинбекова мегӯяд, “гурезаҳои афғон далели аслии бозгашти худро дар мушкили ҳамгироӣ медонанд. Яъне, ҳар як паноҳанда мехоҳад, дар ҳаёти иқтисодӣ, сиёсӣ ва фарҳангӣ ширкат кунад. Ҳуқуқаш таъмин бошад.”

Ин дар ҳолест, ки ҳафтаи гузашта Муҳиддин Кабирӣ, раиси Ҳизби наҳзати исломӣ ва вакили парлумон, ҳангоми қабули тағйиру илова ба қонун “Дар бораи гурезаҳо” гуфт, ҷониби Тоҷикистон барои қабули шаҳрвандони паноҳҷӯ бояд омода бошад. Номбурда бо ишора ба берун рафтани нерӯҳои низомӣ аз Афғонистон афзуд, “ҳоло маълум нест, бо берун рафтани низомиёни хориҷӣ вазъ дар Афғонистон чӣ гуна хоҳад шуд. Мо бояд шароити беҳтарро ба роҳ монем ва аз гурезаҳо, бахусус аз кишвари ҳамсоя пазироии хуб бикунем.”



Раҳбари ҲНИТ ва намояндаи ин ҳизб дар парлумон илова кард, ҳангоми як сафараш ба Афғонистон мақомоти ин кишвар аз вазъи номусоиди гурезаҳои худ дар Тоҷикистон нигаронӣ кардаанд: “Шояд як сабабаш нокомил будани қонунгузории мо буд. Хоҳиш мекардем, то гурезаҳоро дар Тоҷикистон мутобиқи меъёрҳои байналмилалӣ ва фарҳанги меҳмоннавозӣ қабул кунем.”

Шукурҷон Зуҳуров, раиси Маҷлиси Намояндагон, мегӯяд, дар ҳоли ҳозир дар Тоҷикистон ҳудуди 2 ҳазор хонаводаи афғон ба сар мебаранд, ки машғули кор буда, фаразндонашон низ ба мактаб мераванд. “Мо бо ин масъала ҳанӯз қабл аз даргириҳои дохилӣ машғул будем. Мардуми афғон инҷо кор мекунанд, фарзандонашон мактаб мераванд. Ин масъала ҳамеша таҳти таваҷҷуҳ буд ва мо миннатдорӣ мешунидем”,-таъкид кард ӯ.

Ҷаноби Зуҳуров дар идома гуфт, аммо миёни гурезаҳо афроде низ ҳастанд, ки қавонинро риоя накарда, ба корҳои ғайр даст мезананд. Раиси Маҷлиси Намояндагони Тоҷикистон дар ҳоле бо ҷойи кор ва маориф фаро гирифтани гурезаҳои афғон ҳарф зад, ки ба иттилои Наҷиба Ширинбекова дастрасӣ ба маориф ва шуғли соҳибкорӣ яке аз мушкили асосии паноҳандагон будааст.

Бино ба маълумоти созмони “Ҳуқуқ ва рушд” дар соли 2013 дар ҳудуди Тоҷикистон 2 ҳазору 48 нафар мақоми гуреза дошта, 2 ҳазору 271 нафари дигар муроҷиат кардаанд. Наҷиба Ширинбекова мегӯяд, маъмулан шаҳрвандони Афғонистон ва ҳамзамон Эрону Покистон хоҳиши ба даст овардани паноҳандагиро доранд ва дар ин муддат танҳо як хонавода аз Сурия дар Тоҷикистон паноҳгоҳ ҷустааст.

Гуфта мешавад, дар соли 2013 нӯҳ хонаводаи афғон, иборат аз 43 нафар, бо сабаби пайдо накардани ҷойи кор ва номусоид будани вазъ ба кишвари худ баргаштаанд.
Мӯҳр
армияи чиноихоро мо зиед карда истодаем аз дасти уно мо хам ба авгонистони хамсоя фирор мекунем барое ки русхо моро маймун кардаанд лар ватани худамон бошад аз дасти хитоихоро на тичорат мондаасту на чои кор

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)