13 мар 2014 16:09Оcиёи Марказӣ / Тоҷикистон

Боздошти муттаҳамон ба куштори духтари синфи 11 дар Рӯзи модарон

Вазорати умури дохилии Тоҷикистон ба иттиҳоми куштори Умеда Раҳимова, хонандаи синфи 11-и мактаби 66-и Душанбе, ки рӯзи 8-уми март, тақрибан соати 19:30 сурат гирифтааст, ду сокини ноҳияи Рӯдакиро боздошт намудааст.

Тавре аз Вазорати умури дохилӣ ба “Озодагон” иттилоъ доданд, ҷасади Раҳимова дар хонаи истиқоматияш бо 17 ҷароҳати халандаю буранда дар қафаси синааш дарёфт карда шуд.

Ин ниҳод афзуд, дар пайи чораҳои фаврӣ-ҷустуҷӯӣ ҳамчун гумонбар Амиршоев Самандар Султонбекович соли таваллудаш 1989 ва Абдуғаффоров Саъдӣ Абдуғаффорович соли таваллудаш 1990, сокинони ноҳияи Рӯдакӣ дастгир гардиданд ва аз боздоштшудагон далелҳои шайъӣ гирифта шудаанд.

Вазорати умури дохилӣ афзуд, феълан парвандаи ҷиноӣ аз рӯи ин ҳодиса мавриди тафтиш қарор дорад.

Мӯҳр

Хабарҳои монанд:

мехрузиддин болтаев

то кай ба котилон хурмату эхтиром намоем, айёми он расидааст,ки манъи хукми катл бардошта шавад. Чазо бояд мувофики чиноят бошад. Бигзор котилони Хохарамонро 17 корди зананд. катл кунанд, на ин ба болои чанд кабат курпача дар хабсхона шинонанду аз хисоби андози мо хуронанду пушонанд

Ҷавоб диҳед Иқтибос Шикоят

Содик

Хурсандам, ки беъзе котилхоро меёбанд,вале умед дорам ки ин вокеан хам котилро дастгир карданд. Аммо на хар вакт котилоро пайдо мекунанд одамхо дуздиаю кушта истодаанд лекин котилони асил пайдо намешавад. Хеч кас кафолат намедихад ки агар ба у чи ходисае шавад чинояткорон чазо мебинад. Бештари вакт бегунохон дар панчара мехобанду чинояткорони асил пора дода дар озоди мегарданд. Эътимоди мардум ба пулиси кишвар нест. Шояд бошад як ё ду нафар ки вокеан хам аз руи адолат кор мекунанд, вале бештари ин сохтор ба хотири манбаи даромад дар вазифаанду аз он суиистифода мекунанд. Боре дар як шуъбаи корхои дохили будам, кормандони он ба якдигар мегуфтанд ки "Аз фалони чанд сум канда гирифти, ма имруз хичи пул кор накардам, дигаре мегуфт ки як серсума капидам ягон суми хушруша канда мегирам", ягон нафареашро нашунидам ки гуяд чинояткори аслиро дастгир кардем ё чизи дигар, шояд хамон руз бо чунин нафарон вохурдам ва касони вокеан хам аз руи адолат кор кунанд. Боз хам умед дорам ки чунин нафарон хаст... Пулиси мухтарам аз Шумо зиёд хохиш дорам сазвори эътимоди мардум бошед, мо мардум аз шумо на ин ки бояд хазар дошта бошед, балки нафароне бошед ки дар мушкилии мо мададрасон бошед. Саломат бошеду дар мухофизати кишвару хукукхои мардум гардед!!!

Ҷавоб диҳед Иқтибос Шикоят

Эзоҳ илова кунед