19 мар 2014 08:57Тоҷикистон / Сиёсат / Тема дня

Сипоси Раҳмон ба бинокорони мактаби 8 ва дастур барои фаъолшавии макотиби хусусӣ

Эмомалӣ Раҳмон, раисиҷумҳури Тоҷикистон имрӯз, 19-уми март дар маросими ифтитоҳи мактаби нави таҳсилоти миёнаи рақами 8, ки аз ҷониби ширкати марбут ба Зайд Саидов-“Тоҷсохтмон-байналмилал” бо маблағгузории давлат бунёд гардидааст, иштирок намуд.

Тибқи иттилои дафтари матбуоти раисиҷумҳури Тоҷикистон Эмомалӣ Раҳмон зимни суханронияш ҳозиринро бо фарорасии Наврӯз табрик карда, ба бунёдкорони мактаб изҳори сипос намудааст: "Ба муҳандисону бинокорон ва ҳамаи онҳое, ки дар як муддати кутоҳ чунин иншооти зебову муҷаҳҳазро сохта, ба наслҳои ояндасози халқамон туҳфаи арзандаи идона муҳайё карданд, изҳори сипос менамоям."

Раисиҷумҳури Тоҷикистон инчунин ба сифати таълим дар макотиби миёна дахл карда, таъкид намудааст, барои беҳбуди он фаъолияти мактабҳои хусусӣ густариш ёфта, рақобати солим таъмин гардад: “Сарфи назар аз фаъолияти теъдоди зиёди мактабҳои хусусӣ беш аз 90 фоизи хонандагон дар таълимгоҳҳои давлатӣ таҳсил менамоянд. Бинобар ин, зарур аст, ки ҷиҳати таъмини рақобати солим байни мактабҳои таҳсилоти ҳамагонӣ дар самти беҳтар ба роҳ мондани раванди таълиму тарбия ва амалигардонии усулу барномаҳои инноватсионии таълим дар мактабҳои кишвар, сарфи назар аз шакли фаъолияташон, чораҳои зарурӣ андешида шаванд.”

Тавре қаблан Ҳамидуллохон Фақиров, сардори раёсати маорифи Душанбе хабар дод, мактаби нав барои 1 ҳазору 354 хонанда дар як баст пешбинӣ шудааст. Ӯ гуфт ба мактаби нав бозгашти тамоми хонандагону омӯзгорони мактаби куҳнаи рақами 8 дар назар буда, мактаби рақами 14 низ ба бинои нав интиқол меёбад.

Масъулини маориф мегӯянд, аллакай баъди иди Наврӯз дар мактаби нав дар маҷмуъ 1652 хонанда бо таълим фаро гирифта хоҳанд шуд. Мактаби нави рақами 8 аз 6 бино, аз ҷумла 59 синфхонаи дарсӣ, утоқҳои рақсию компютерӣ, толори варзишӣ, ошхонаи калон, маҷлисгоҳ ва ҳавзи шиноварӣ иборат аст.

Мӯҳр

Хабарҳои монанд:

додгар

Зайд худаш бад аммо пулу кору идея ва хидматҳош нағз

Ҷавоб диҳед Иқтибос Шикоят

tojik

moshoalloh.muborak shavad.

Ҷавоб диҳед Иқтибос Шикоят

Адолат

Дар маросими ифтитохи мактаби мазкур хатман ватандусти сарсупурдаи миллати точик мухтарам Зайдулло Саидовро аз махбас даъват намоед, ки ин бино махсули хуни чигари ин шахси сахи аст. Замоне мешавад, ки ин мактабро ба номи Зайд Саид номгузори мекунанд ва тантанаи адолати таърихи мешавад.

Ҷавоб диҳед Иқтибос Шикоят

нигин

МУБОРАК ШАВАД!!!!!!
АКАЧОНИ ЗАЙД ДАР ЗИНДОН ХАМ ФАОЛИЯТ ДОШТААСТ.БА КУРИИ ЧАШМИ ВАТАНФУРУШОН.

Ҷавоб диҳед Иқтибос Шикоят

инсоф

зайд ягон ба хамин милат хизмат накардааст пули хамин халкро дуздида мардбачахои точик азоб кашида сохтумонхоро сохтанд

Ҷавоб диҳед Иқтибос Шикоят

EZAL MURIDOV

ХИЗМАТХОИ МАРДОНИ ОЗОДА ХАМЕША ПАСИ ПАРДА МЕМОНАНД ЧИХЕЛЕ КИ ДАР УРФИЯТ МЕГУЯНД:"АЗ ХИСОБИ ШОЛИ КИРМАК ОБ МЕХУРАД".

Ҷавоб диҳед Иқтибос Шикоят

Точик

Бисёре аз коргарони вазорат ки пештар вазираш Зайд Саидов буд, Зайдро таъриф мекунанд, "мисли Зайд Саидов дигар вазир ёфт намешвад".