26 мар 2014 09:37Тоҷикистон / Сиёсат

АКС: Сипоси Раҳмон ба президенти ФИФА ва тавсиф аз Рустами Эмомалӣ

Эмомалӣ Раҳмон, раисиҷумҳури Тоҷикистон баъд аз зуҳри 25-уми март дар мулоқот бо президенти Федератсияи ҷаҳонии футбол (ФИФА) Йозеф Блаттер, масоили вобаста ба рушди футбол ва таъмини оммавияти варзиш дар Тоҷикистонро баррасӣ намудааст.

Тибқи иттилои дафтари матбуоти раисиҷумҳури Тоҷикистон Йозеф Блаттер “Соли футболи оммавӣ” дар Тоҷикистон эълон гардидани соли 2014-ро шоистаи дастгирӣ номида, изҳор дошт, ки “иштирок дар маросими оғози татбиқи ин ташаббус аз ҳадафҳои сафар”-и ӯ ба Тоҷикистон аст.

Ба иттилои манбаъ Эмомалӣ Раҳмон ба Йозеф Блаттер барои дастгириҳои ФИФА аз рушди футбол дар Тоҷикистон арзи сипос кардааст: “Инчунин изҳори боварӣ карда шуд, ки иқдомҳои пайвастаи Ҳукумати Тоҷикистон доир ба бунёди инфрасохтори варзишӣ, аз ҷумла доир ба сохтмони варзишгоҳҳо ва дигар иншооти ин соҳа ва тарғибу ташвиқи насли наврас ба тарзи ҳаёти солим боиси рушду тараққиёти босуръати футбол ва дигар намудҳои варзиш дар Тоҷикистон хоҳад шуд.”

Йозеф Блаттер аз натиҷаи мулоқоташ бо Эмомалӣ Раҳмон ба хабарнигорон гуфт, “мо ба ҳамин фикр расидем, ки футбол василаи хуби муттаҳидкунандаи миллатҳост.” Президенти ФИФА дурнамои футболро дар Тоҷикистон хуб гуфта, аз Рустами Эмомалӣ, писари раисиҷумҳур ва президенти Федератсияи футболи Тоҷикистон тавсиф намуда, ӯро ҳамчун ҷавони серҳаракату болаёқат арзёбӣ намуд.

Йозеф Блаттер инчунин майдони сунъии варзишгоҳи марказӣ, ки бо мадади ФИФА бунёд шудааст, ифтитоҳ намуда, бозии футболи дастаҳои “Истиқлол”-и Душанбе ва “Равшан”-и Кӯлобро барои Шоҳҷоми Тоҷикистон тамошо ва баъдан Ҷоми олиро ба дастаи ғолиб-“Истиқлол” супорид.

Мӯҳр

Хабарҳои монанд:

ФУТБОЛИСТ

Ин муаррифии Йозеф Блаттер аст, ё муаррифии Рустамчик! Дар аэропорт болои колинхо. Чазабаи хирадмандона. Хамин кабулро дар аэропорт агар ягон вазиру раиси кумита мекард пропка барин мепарид. Вале хамаи ин худнамоихо аз чашми ахли башар дур намомонад. Йозеф, фирефтаи худнамоии як гурухи одамони Точикистон нашав. Туро чахон мебинад.

Ҷавоб диҳед Иқтибос Шикоят

Лоик

Ма ай кисаи хдм колинора харида таги пои бачаи шохда пртофтм ! Ягон гапай?
Оянда рустам президентай ма директори аэропорт!

Ҷавоб диҳед Иқтибос Шикоят

Эзоҳ илова кунед