27 мар 2014 11:53Хабарҳои ҷаҳон

Истиқболи салафиёни Миср аз номзадии Сисӣ дар интихобот

Ҳизби исломгарои салафии “Нур” дар Миср аз эълони номзадии Абдулфаттоҳ Сисӣ, сарфармондеҳи қувваҳои мусаллаҳи ин кишвар ба мақоми президентӣ истиқбол кардааст.

Ҷаллол Марра, дабири кулли ин ҳизб гуфтааст, тасмими Сисӣ барои пешбарии номзадияш ба мақоми президентии Миср ҳаққи шаҳрвандии ӯст. “Сисӣ ба мисли фарзандони фарзонаи дигари Миср ҳақ дорад, дар интихоботи президентӣ иштирок карда, бо ноил шудан ба ин мақом барои пешрафти давлати худ дар ин марҳаллаи басо ҳассосаш саҳм гузорад.”- афзудааст ӯ.

Дабири кулли Ҳизби исломгарои салафии “Нур” шаҳрвандони кишварашро ба ҳамнавоӣ даъват карда, гуфтааст, “имрӯз кишвари мо ба гирдиҳам омадани фарзандонаш зери як парчам ниёз дорад, то дубора макону манзалати худро дар олам соҳиб шавад.” Сарфармондеҳи қувваҳои мусаллаҳи Миср, ки ҳамзамон симати вазирии дифои кишварашро бардӯш дорад, аз мансаби худ истеъфо дода, расман номзадии худ ба мақоми президентиро эълон кардааст.

Абдулфаттоҳ Сисӣ яке аз номзадҳои аслӣ дар интихоботи президентии Миср ба шумор меравад, ки қарор аст, моҳи апрели соли равон баргузор шавад. Генерал Сисӣ асосгузори кудетои низомии Миср аст, ки ба сарнагунии ҳукумати тозатаъсиси Муҳаммад Мурсӣ сабаб шуд. Коршиносони мисрӣ мегӯянд, азбаски Сисӣ аз пешбарии номзадияш дар ин интихобот хабар додааст, майли сиёсатмадорон барои иштирок дар ин корзори сиёсӣ нисбат ба интихоботи қаблӣ, ки бо пирӯзии Мурсӣ анҷом ёфт, хеле кам эҳсос мешавад. То кунун танҳо Ҳамдейн Сабоҳӣ, асосгузори Ҳаракати мардумии Миср, аз пешбарии номзадияш дар интихоботи президентии ояндаи ин кишвар хабар додааст. Дар интихоботи президентии ахири Миср, ки охирҳои моҳи майи соли 2012 баргузор гардид, 13 номзад расман сабти ном шуда, ҳудуди даҳ нафари дигар бо сабабҳои номаълум аз иштирок дар корзор маҳрум шуда буданд.

Мӯҳр

Хабарҳои монанд:

Х,анафи

Салафихо! Мадхалихо! Фитнагархо! шумо мегуед,ки дар ислом хизб нест, хизби Нури- салафихои Миср, яъне чи? Сиси фаркаш аз Асад дар чист?...

Ҷавоб диҳед Иқтибос Шикоят

ibrohim

ин баном салафихо ки худ душмани ислом.зархарид ки хастанд касе пул дихад тарафи хамун.дини инхо факат риш дар як хона ду се зан дашноми ханифи и изор худованд инхоро бадбахт гардонад

ин
баном салафихо ки худ душмани ислом.зархарид ки хастанд касе пул дихад
тарафи хамун.дини инхо факат риш дар як хона ду се зан дашноми ханифи и
изор худованд инхоро бадбахт гардонад

Ҷавоб диҳед Иқтибос Шикоят

zuhuriddin

Ozodagoni muhtaram khabarro naboyad noqis nashr kard...Bin ki odamon nofahmida ba haqorateguzarand.Hizbi An nur 1 hizbi salafi dar Misr tanho nest..Balki ahzobi salafi 8 toebosjam....Vatan ...Asolat...Fazilat...Arroya...hamai inho hiznhoi islomii raviyai salafi dorand va ziddi inqilobi Sisi muboriza mebarand...Hizbi Nur pas tamomi salafihoi Misrro dar bar namegirad va bovar doram agar intikhoboti parlumoni shavad az 5 % ziyod ovoz makhohad girift....Sisi vaziri difo nest....Sisi marshal ast na general

Ҷавоб диҳед Иқтибос Шикоят

Эзоҳ илова кунед