27 мар 2014 14:28Хабарҳои ҷаҳон

Афғонистон аз шомил шудани Қрим ба қаламрави Русия ҷонибдорӣ кард

Афғонистон аз шомил шудани нимҷазираи Қрим ба қаламрави Русия ҷонибдорӣ кардааст.

Тибқи иттилои The Guardian, Ҳомид Карзай, раисиҷумҳури Афғонистон зимни мулоқот бо як ҳайати амрикоӣ дар ин бора ибрози назар кардааст. Ӯ гуфтааст, "Афғонистон ба ҳаққи мардуми Қрим, ки худ сарнавишташонро муайян кардаанд, эҳтиром мегузорад.”

Гуфта мешавад, ин изҳороти Ҳомид Карзай номи Афғонистонро дар руйхати кишварҳое қарор дод, ки аз шомил шудани Қрим ба қаламрави Русия ҳимоят мекунанд. То кунун бархе аз кишварҳои Осиёи Марказӣ, аз ҷумла Қазоқистон ва Қирғизистон натиҷаи раъйпурсии Қримро қабул карда, аз шомил шудани ба қаламрави Русия ҳимоят кардаанд.

Ин дар ҳолест, ки Борак Обама, президенти Амрико дар як тамоси телефонӣ бо ҳамтои русаш - Владимир Путин бори дигар таъкид намудааст, ки овоздиҳии Қримро дар мавриди мақоми ин нимҷазира “нақзи қонуни асосии Украина” медонад.

16 март дар дар ҷумҳурии мухтори Қрим раъйпурсӣ баргузор шуд. Тибқи хабарҳои расида дар ин овоздиҳӣ 93 дарсади иштирокдорон ба тарафдорӣ аз пайвастани нимҷазира ба Русия раъй додаанд.

Мӯҳр

Хабарҳои монанд:

Юсуф

Дар байни як ҳафта гузаронидани референдум, боз зери мили автоматҳо, магар қобили қабул аст? Асли воқеаро Ҳамид Карзай аз куҷо донад? Ӯ аз иқдоми кишваре (Русия) ҷонибдорӣ кардааст, ки Афғонистон аз дасти он ба хок баробар шуда, қариб 40 сол боз оғуштаи ҷанги шаҳрвандӣ мебошад. Мушовире ҳаст, ки ба Карзай инро бифаҳмонад? Илова бар он, изҳороти ӯ зидди хати маши раёсати ҳукумати Амрико ва Иттиҳоди Аврупо мебошад. Онҳое, ки ба Афғонистон садҳо миллион доллар кӯмак ва бештар аз он ваъда кардаанд.Вой ба ҳолат Афғонистон бо ин президентат!

Ҷавоб диҳед Иқтибос Шикоят

Эзоҳ илова кунед