29 мар 2014 09:27Тоҷикистон / Сиёсат / Тема дня

Пажуҳиш: Тоҷикистониён нисбати Русия хушбин ва Узбакистон бадбинанд

M-Vector Tajikistan, маркази тадқиқоти сотсиологӣ дар пайи як пурсиш муайян намудааст, ки мардуми Тоҷикистон муносибати аз ҳама хуб нисбати Русия ва аз ҳама бад нисбати Узбакистон доранд.

Зимни ин пурсиш, ки миёни 1500 сокини аз 18-сола боло дар 9 шаҳри калони Тоҷикистон гузаронда шудааст, 62%-и мусоҳибон гуфтаанд, ба Руссия муносибати мусбӣ доранд: “Ҳамагӣ 8,4%-и мусоҳибон муносибаташонро нисбат ба Русия манфӣ арзёбӣ кардаанд.” Бархе аз мусоҳибон аз додани посух худдорӣ кардаанд.

Сатҳи нисбатан баланди бадбинӣ миёни сокинони Тоҷикистон нисбат ба Узбакистон сабт шудааст, ки 34,6 фоизро ташкил медиҳад: “Теъдоди онҳое, ки муносибаташонро нисбати Узбакистон мусбат гуфтаанд ба 23,4 фоиз баробар шудааст.”

Нисбати ҳамсояи дигар-Қирғизистон 32 фоизи тоҷикистониён муносибати хуб ва 28 фоиз муносибати манфӣ доштаанд.

Дар миёни кишварҳое, ки тоҷикистониён нисбаташон хушбин астанд, Чин бо нишондоди 53,4 фоиз дар ҷои дуюм, ИМА бо 48,9 фоиз дар ҷои сеюм ва Эрон бо 47,2 фоиз дар ҷои чорум қарор дорад. Онҳое, ки муносибаташонро нисбати Чин, ИМА ва Эрон бад гуфтаанд, мувофиқан 12,7%, 12,9 ва 15,7 фоизро ташкил додаанд.

Мӯҳр

Хабарҳои монанд:

хонанда

Ба назар мерасад, ки Самарканду Бухоро аз даруни Точикистон изоляция, ба чое кушиши кушодани сархад барои точикони ду тараф ва дастгирии хукуки миллии точикони мукимии ончо

Ҷавоб диҳед Иқтибос Шикоят

Точикварз

Касе-ки-муносибаташро-бо-Ирон-кишваре-ки-да

Ҷавоб диҳед Иқтибос Шикоят

Rahimjon

Ин кадар бадие ки ин узбакхо бо шефи пирсолукашон моро медиханд, агар шум набинем боз чи кор кунем?
боз нагз бинем?

Ҷавоб диҳед Иқтибос Шикоят

Эзоҳ илова кунед