02 апр 2014 15:59Тоҷикистон / Иқтисодӣ

АКС: Раҳмон хост пойбандии Тоҷикистон аз гӯшту шири воридотӣ кам шавад

Эмомалӣ Раҳмон, раисиҷумҳури Тоҷикистон, дар доираи сафари корияш ба Суғд корхонаи истеҳсоли 10 тонна ширро дар як шабонарӯз ба истифода дода, дастур додааст, ки пойбандии Тоҷикистон дар бахши маҳсулоти гӯштию ширӣ аз хориҷ коҳиш ёбад.

Тибқи иттилои дафтари матбуоти раисиҷумҳури Тоҷикистон Эмомалӣ Раҳмон зимни ифтитоҳи корхонаи ширбарорӣ таъкид кардааст, ки чунин корхонаҳо бояд дар сартосари кишвар ба фаъолият оғоз кунанд, то воридоти маҳсулоти гӯштӣ аз хориҷ коҳиш биёбад.

Эмомалӣ Раҳмон дар шаҳри Хуҷанд ҳамзамон дар маросими ифтитоҳи меҳмонхонаи 4 ситорадори Хуҷанд -делюкс ширкат намудааст. Ба гузориши дафтари хадамоти матбуотии раисиҷумҳур ин меҳмонхона аз тарафи соҳибкор - Абдуқодир Абдураҳмонов ба маблағи 1,5 миллион сомонӣ бунёд шудааст. Дар меҳмонхонаи Хуҷанд -делюкс худи ҳамин рӯз хатнатуйи 50 кӯдакон аз хонаводаҳои камбизот баргузор гардидааст.

Дар доираи сафари кории худ Эмомалӣ Раҳмон инчунин маркази таълимии истеҳсоли ҳунарҳои мардумии қолинбофӣ ва гулдӯзию зардӯзии Шерозро ба истифода додааст, ки дар назди ҶСШК “Зиннат” бунёд шудааст.

Дафтари матбуоти раисиҷумҳури Тоҷикистон мегӯяд, қолинҳои дастбофи тоҷикӣ дар бозорҳои ҷаҳонӣ харидории худро аз даст дода, ҳамакнун соҳибкорони ҳуҷандӣ аввалин шуда ба ин кор таваҷҷӯҳ зоҳир кардаанд. Гуфта мешавад, ки барои ҷорӣ намудани усулҳои эронии қолинбофӣ 3 нафар бонуи мутахассис аз Эрон даъват шуда, давоми сол бо занону духтарони тоҷик омӯзиш хоҳанд гузаронд.

АКС: Раҳмон хост пойбандии Тоҷикистон аз гӯшту шири воридотӣ кам шавад

Мӯҳр

Хабарҳои монанд:

Тадбиршо

ТАВРҶҶУҲ
мегум дар Шаҳритус ва Носири Хисрав барои худнамоӣ ва фиреб кардани прездент харбузаҳоро аз дигарҷо бурда бо скоч дар полез часпонде. Ин кор тақрибан шуданӣ буд. Ҳоло ман дар ин фикрам ки дар сафари баъдии президент ба Суғд барои иҷрои супориши президент ронҳои фарбеҳи говҳои бразилягӣ ё галандиягиро чигуна дар бадани говҳои нимҷони тоҷикӣ печаспонда бошанд?! аз ҳама сахттар заправка кардани ширҳои воридотӣ ба пистони говҳоӣ ватанӣ хоҳад буд.
Ана баъд ТВ 24 соат аз тадбири ХИРАДМАНДОНАИ ҶАНОБИ ОЛӢ барои сершир шудани говҳо ва фигурадор шудани говҳо мегуяду мегуяд...

Ҷавоб диҳед Иқтибос Шикоят

Адолатхох

Ман нафахмидум, ки напахмидум. Меган ки сатхи камбизоати дар Точикистон 38 фоиз шудай. Хар руз 50 -100 кудакхоро аз оилахои камбизоат хатнасур кардестанд. Хеч ба мантик рост наомад да. То ба кай дуруг. Гушт хатман 40 сомони ва шир 5 сомони мешавад баъд аз кушодани чунин корхона.

Ҷавоб диҳед Иқтибос Шикоят

Фахр

Дарвокеъ мардуми Сугд захматкашанд. Офаринашон бод.

Ҷавоб диҳед Иқтибос Шикоят

Агар почаи "бушу"гушти куттоси хинди набошад мо кайхо поча дароз мекардем ха ха.

Ҷавоб диҳед Иқтибос Шикоят

Эзоҳ илова кунед