Муроҷиати “ҷабрдида”-и таҷовуз аз болои Шуҳрат Қудратов ба додгоҳ
Моҳира Бобораҷабова – духтаре, ки Зайд Саидов, соҳибкор ва раҳбари Ҳизби Тоҷикистони навро, дар таҷовуз ба номус муттаҳам мекард, акнун аз гиребони вакили мудофеъ Шӯҳрат Қудратов гирифтааст. Ӯ бо ирсоли аризаи шикоятӣ ба Додгоҳи ноҳияи Фирдавсии шаҳри Душанбе гуфтааст, Қудратов дар мурофиаҳои додгоҳии Зайд Саидов гӯиё шаъну шарафашро паст задааст.
Дар ин бора ба “Озодагон” Шӯҳрат Қудратов, яке аз вакилони мудофеи Зайд Саидов хабар дода, афзуд, Моҳира Бобораҷабова бо ҳамроҳии модараш -- Гулнора барои паст задани шаъну шарафи худ аз ӯ 200 ҳазор сомонӣ, муодили 40 ҳазор тдоллар ҷуброни зарари маънавӣ мехоҳанд. Ӯ дар шарҳи аризаи даъвогии Бобораҷабоваҳо афзуд: “Дар ариза омадааст, гӯиё ман дар интернет нисбат ба ин ду хонум маълумоти бардурӯғ паҳн кардаам ва таҳқиру ҳақоратро ба унвонашон раво дидаам. Мушаххасоти ин иддао, то ки донам сухан аз хусуси кадом амалу рафторам меравад, ҳанӯз бароям номаълум аст. Дар аризаи даъвогӣ аз ин ҷузъиёт ҳарфе нест ва дар ин маврид ишора ба фиттае бо сабти овоз меравад, ки дастрасии онро додрас ба шарте имконпазир донист, ки дар ин хусус хаттӣ муроҷиат намоям.”
Қудратов мегӯяд, аризаи даъвогии мазкур идомаи фишор ба вакилони дифои Зайд Саидов мебошад. Пештар аз ин, Фахриддин Зокиров, вакили дигари Зайд Саидов низ ба иттиҳоми ҷинояти иқтисодӣ боздошт шуда, тафтишот алайҳи ӯ идома дорад.
Соли гузашта бо даъвои Моҳира ва Гулнора Бобораҷабоваҳо духтару модараш Оҷонсии зидди фасоди молии Тоҷикистон алайҳи Зайд Саидов "барои таҷовуз ба номуси духтари ноболиғ ва ба исқоти ҳамл маҷбур сохтани зан" парвандаи ҷиноӣ оғоз намуда буд ва ҳатто иддао пеш гузошт, ки “ҷабрдида” аз Зайд Саидов соҳиби фарзанд мебошад. Аммо баъдан ташхиси ДНК ин иддаоро рад кард ва додгоҳ парвандаро барои тафтишоти иловагӣ бозгардонд.
Номи Моҳира Бобораҷабова баъд аз он вирди забон шуд, ки тобистони соли гузашта дар шабакаи иҷтимоии Фейсбук аксҳои ӯ, ки баъди рӯбарӯкунӣ бо Зайд Саидов, дар лаҳзаҳои берун рафтан аз Боздоштгоҳи муваққатӣ гирифта шуда буданд, нашр гардиданд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |