Сокинони Файзобод: Эмомалӣ Раҳмон рафту лимит омад
Сокинони ноҳияи Файзобод мегӯянд, баъд аз сафари президент Эмомалӣ Раҳмон дигарбора нерӯи барқро тариқи лимит мегиранд.
Мирсаид, як ҷавоне, ки худро бошандаи рустои наздик ба маркази ноҳияи Файзобод муаррифӣ кард ба “Озодагон” гуфт, қабл аз сафари Эмомалӣ Раҳмон ба ин ноҳия ду рӯз барқро бемаҳдудият доданд: “8 ва 9 апрел лимит набуд. Аммо рӯзи 10 шабона соати 22:00 барқ хомӯш гардид”.
Ин иттилоъро сокинони дигари ноҳияи Файзобод ҳам таъйид карданд. Эмомалӣ Раҳмон субҳи 10 апрел бо як сафари корӣ ба ноҳияи Файзобод рафт. Боздиди ӯ аз деҳаи Дашти Марзо оғоз гардид. Раисҷумҳур дар ин русто дар маросими ифтитоҳи бунёди боғе, ки масоҳати умумии он 135-гектарро ташкил медиҳад, иштирок кард.
Қаблан, ширкати “Барқи Тоҷик” гуфт, бо далели коҳиши об дар обанбори Норак имкони аз миён бурдани реҷабандии барқро надоранд ва бо бартараф шудани ин мушкил реҷабандӣ бекор хоҳад шуд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |