15 апр 2014 13:46Тоҷикистон / Иҷтимоӣ
Аз “арзани русӣ” то “харбузаи тоҷикӣ”
Пас аз тамошои барномаи телевизионҳои Русия хулоса ин мешавад, ки шабакаҳои Русия шабеҳи симоҳои давлатии Тоҷикистон ҳастанд. Фарқ танҳо ин аст, ки журналистони рус дар “сиёҳ” кардани “мухолифон”-и худ ҳирфаитаранду дар ҷанги иттилоотӣ пирӯз.
Барномаҳои телевизионҳои Русияро тамошо мекунеду шабакаҳои ватанӣ ба хотир мезанад. Бештари барномаҳояшон алайҳи аҳзоб ва чеҳраҳои мухолифи ҳукумати Путин равона шудааст. Мисле ки дар Тоҷикистон намояндаҳои ҳизбҳои умдаи мухолиф мавриди “ҳамла”-и иттилоотӣ қарор мегиранд. Аммо пешниҳод ва таҳияи барномаҳои телевизионҳои Русия нисбатан касбитар аст. Онҳо ҳатто нишонрас ҳам ҳастанду бинандаи худро ба самте, ки мехоҳанд мебаранд. Танҳо шахси аз қазия огоҳ ва дорои маълумоти алтернативӣ ба дарки масъала меравад. Аз ҳарфи аввали чунин барномаҳои телевизионҳои Тоҷикистон бошад, мақсад маълум аст. Одитарин бинанда бӯи ғаразро эҳсос мекунад. Тамошобини маъмулӣ, ки дар бораи барномазсозӣ чизе намедонад, аз касбият фарсахҳо дур будани онҳоро дарк месозад.
Телевизионҳои Русия дар ҷанги иттилоотии беруна ҳам муваффақанд. Бояд иқрор кард, онҳо низ мисли телевизионҳои Тоҷикистон дар баъзе мавзӯъҳо ба ҳадди ифрот мерасанд. Барои мисол дар масъалаи Украина, аммо ифроти онҳо назди симоҳои кишвари мо арзан назди харбузаро мемонад.
Телевизионҳои мо агар рафту ба номи ҳизб часпиданд, ба қавле “ба халосгар зор мешавед”. Он қадар номи ҳизбро “тагу рӯ” мекунанд, ки дар хобат номи ҳизб медарояд. В-агар мавзӯи фаҳшу фуҷур дар маъраз қарор гирифт, тамом. Ҳатто телевизиони кӯдакону наврасон ҳам нақли алоқаи ҷинсии ду ҳамҷинсро беибо намоиш медиҳад. Агар “ифшо”-и ҷинояткориҳои аъзои ҲНИТ “муд” шуд, пас ҳафтаҳо пайи ҳам интизори гузоришҳои ба қавли Ҳофиз “тоза ба тоза, нав ба нав” бошед. Аммо ҷолиб ин аст, ки дар ягон гузориш намегӯянд, ки фалон мансабдори боздоштшуда узви ҳизби ҳоким аст.
Ин ҳам дар ҳоле ки вақте эътироз мешавад, ба барномаҳои зидди як ҳизб хотима дода шавад, масъулини шабакаҳои давлатии телевизионӣ ба демократия такя мекунанд. Мегӯянд, ин ҳаққи конститутсионии мардум аст, ки бояд андешаи худро озода бигӯянд. Аммо вақте талаб мешавад, то ҷониби дигар ҳам ҳарфи худро бигӯяд, розӣ намешаванд.
Соҳибназарон на як бору ду бор гуфтаанд, ки Тоҷикистон дар ҷанги иттилоотӣ бо ҳамсояҳо мағлуб шудааст. Ин ҳарфҳо гуиё то масъулин намерасад ва онҳо аз фаъолияти телевизионҳо то бехи гӯш розиянд.
Солҳост, ки аз хатари барномаҳои радио ва телевизионҳои кишварҳои ҳамҷавор ба навоҳии марзии Тоҷикистон бонги хатар зада мешавад, аммо мақомот кори ҷиддие анҷом намедиҳанд. Тамоми кӯшиши онҳо ба таҳияи барномаҳо алайҳи ҳизбҳои мухолиф равона шудааст. Касеро парво нест, ки дар навоҳии наздимарзӣ барномаҳои радио ва телевизиони ҳамсоякишвар аз ҳисоби шаҳрвандони Тоҷикистон бинандаи худро афзудан дорад. Муҳим барномаҳои “антинаҳзатӣ” зиёд шавад, дар ҳоле ки сокинони навоҳии наздисарҳадӣ аз телевизионҳои ҳамсоякишвар барномаҳои касбии “зидди талкоӣ”-ву “зидди роғунӣ” мебинанд.
Барои телевизионҳои давлатии Тоҷикистон резиши барф дар он сӯи уқёнус ё садамаи маргбор дар Африқо муҳимтар ба назар мерасад. Шояд, сиёсати телевизионии Тоҷикистон дуруст бошаду андешарониҳои мо нодурустанд? Шумо чӣ фикр доред?
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
