Давлат Усмон бовар дорад, президент дар бораи Украина хоҳад гуфт (ВИДЕО)
Давлат Усмон, собиқ вазири иқтисоди Тоҷикистон, мегӯяд, Эмомалӣ Раҳмон дар паёми солонааш ба парлумон, ки дар “Кохи Ваҳдат”-и Душанбе шурӯъ шудааст, ба ҳаводиси Украина низ ишора хоҳад кард.
Ӯ дар сӯҳбат ба “Озодагон” гуфт, “чанд рӯз пеш Александр Лукашенко, раисҷумҳури Беларус, 50 дарсади паёми худро ба масоили амниятии кишвар равона кард. Фикр мекунам, Эмомалӣ Раҳмон ҳам ба ҳаводиси Украина ва амният ишора хоҳад намуд. Ба хусус, вақте ки ҳукумати Тоҷикистон то имрӯз дар робита ба вазъи Украина мавқеъгирӣ накардааст.”
“Нуктаи дувум дар паёми Эмомалӣ Раҳмон ба Маҷлиси Олӣ вазъи иқтисодӣ, фақр ва бекории аҳолӣ аст”,-мегӯяд Давлат Усмон. Вай афзуд, “албатта барои мо мегӯянд, иқтисодиёт рӯ ба рушд аст, вале он рӯ ба рушди хеле кунд.”
Собиқ вазири иқтисоди Тоҷикистон бар ин назар аст, ки паёми соли 2014-и Эмомалӣ Раҳмон аз паёмҳои чанд соли гузашта фарқ хоҳад кард. Номбурда гуфт, паёми нахустини раисҷумҳур дар 7 соли давраи раёсати ҷадидаш буда, мардум аз ин паём интизориҳои зиёд доранд. Ӯ мегӯяд, эҳтимол раисҷумҳур ягон механизмеро дар робита ба амалӣ шудани нуктаҳои аслии паёмаш зикр кунад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |