Шеърҳои антинаҳзатӣ дар “Адабиёт ва санъат”, нашрияи Иттиҳодияи адибон
“Адабиёт ва санъат”, минбари эҷодкорон ва нашрияи расмии Иттифоқи нависандагони Тоҷикистон, дар шумораҳои охираш ашъореро алайҳи Ҳизби наҳзати исломии кишвар ба табъ расонидааст. Дар яке аз ин шеърҳо ҲНИТ аз “шохаҳо”-и Ҳизби таҳрир, ҳаракати ифротии фаъолияташ мамнуъ дар Тоҷикистон хонда шудааст.
Муаллифи шеър, ки аз ӯ Шамси Шариф ном бурда мешавад, гуфтааст:
“Ҳизби наҳзат, наҳзати исломи пӯшиши ниқоби Тоҷикистон,
Бо “ҷиҳод”-и Ҳизби “таҳрир” тарҳи паймонест.
Ҳарду аз як чашма оби сард менӯшанд,
Ҳар ду дар як дег меҷӯшанд.
Ҳар ду дар як шикофе шоша мерезанд,
Дар таги як кӯрпа ҳар шаб хоб карда, субҳ мехезанд.”
Дар ин шеър, ки дар шумораи 17-и нашрияи “Адабиёт ва санъат” ба табъ расидааст, инчунин, муаллиф ба Муҳиддин Кабирӣ, раиси ҲНИТ низ ишораҳое кардааст. Муаллиф гуфтааст:
“Дар сари китфи Кабирӣ,
Пешвои Ҳизби наҳзатхори тоҷик, Халтаи қасди гадоӣ,
Хонда худро дар раҳи ислом "фидоӣ".”
Табъи ашъори “антинаҳзатӣ” дар ин нашрияи адабию фарҳангии кишвар дар ҳолест, ки ахиран рӯзномаи “Ҷумҳурият”, тайи чанд шумораи охири худ раиси ҲНИТ-ро зери тозиёнаи танқид қарор дода, сафарҳои ӯ ба хориҷ аз кишвар ва ширкатҳои мутааллиқ ба ӯву наздиконашро баршумурдааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |