Садои тирпаронӣ ва боздошти ду нафар дар "Мирзобек"-и Душанбе
Шоми рӯзи 25 апрел дар маҳаллаи Мирзобеки шаҳри Душанбе садои тирпаронӣ шунида шуда, бино ба хабарҳои дарёфтӣ, ду нафар аз тарафи пулис боздошт гардидаанд. Хабарнигори “Озодагон”, ки дар ҷои ҳодиса қарор дорад, гуфт, феълан барқи ин маҳалла хомӯш аст ва теъдоди зиёди маъмурони пулис дар он ҷо қарор доранд.
Ба қавли хабарнигори мо, пулис бештар дар наздикии мактаби рақами дуи “Мирзобек” ҷойгир буда, сокинонро намегузоранд, вориди ин минтақа шаванд. То кунун касе аз мақомот ин ҳодисаро шарҳ надодааст, аммо сокинони маҳаллаи Мирзобек, ки садои тирпарониро шунидаанд, мегӯянд, маъмурони пулис як мошини хориҷиеро таъқиб дошта, бозистодани онро тақозо мекарданд. Бино ба гуфтаи онҳо, дар мошин се нафар буда, ду тани онҳо боздошт ва як нафарашон ғайб задааст.
Шахсияти ин афрод ҳам то ҳол маълум нест ва дақиқ нест, онҳо дар чӣ гуноҳе гумонбаранд. Хабарнигори “Озодагон” ин ҳодисаро пайгирӣ дорад ва дар сурати ба даст омадани иттилои дақиқу бештар ва назари мақомот Шуморо дар ҷараён хоҳем гузошт.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |