Таронаи "Рустамона"-и Шабнам дар васфи "Истиқлол"
Дар саҳифаи Ютуб клипи наве роҳ ёфтааст, ки ба қаҳрамони дукаратаи футболи Тоҷикистон – “Истиқлол”-и Душанбе бахшида шудааст.
Ин клип аз лаҳзаҳои бозии ахирони тими “Истиқлол” бо “Равшан”-и Кулоб, ки 25 март барои дарёфти Абарҷом ё Суперҷоми Тоҷикистон баргузор шуда буду бо ҳисоби 5:0 ба пирӯзиии аввалӣ хотима ёфт, иборат мебошад. Ин вохурии дастаҳои футболи Тоҷикистон барои Шоҳҷоми кишвар бо ҳузури Йозеф Блаттер, президенти ФИФА баргузор шуда, баъдан Ҷоми олиро ба дастаи ғолиб-“Истиқлол” шахсан ӯ супорид.
Дар ин клип Шабнами Тоҷиддин, сарояндаи машҳури тоҷик ва духтари овозхони маъруф Тоҷиддин Муҳиддин таронаеро дар васфи "Истиқлол" сурудааст, ки дар матни он, аз ҷумла омадааст, "рустамона, ҷасурона, бо ифтихору далерона, бифахрем бо номи некаш, бо ҷону дил, тоҷикона!"
Дастаи “Истиқлол” моҳи ноябри соли 2007 ташкил шуда, то кунун се маротиба Ҷоми Тоҷикистонро ба даст овардаасту чаҳор бор дар солҳои 2010, 2011, 2012, 2014 барандаи Суперҷоми Тоҷикистон шудааст. Президентии ин дастаро Шохрух Саидов, писари раиси Оҷонси мубориза бо фасоди Тоҷикистон бар зимма дошта, ҳамчун дастаи Рустами Эмомалӣ, писари раисиҷумҳури Тоҷикистон ва презитенти футболи кишвар маъруф аст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |