Ҳаддод -- нахустин зани муддаии курсии президентӣ дар Сурия
Шӯрои мардумии Сурия, мақоми олии қонунбарори ин кишвар нахустин бонуи довталаби курсии президентиро ба қайд гирифтааст.
Бино ба иттилои расонаҳо, ин нафар Сюзан Омр Ҳаддод, як муҳандис аз музофоти Латакия буда, дархости сабти номи ӯ аз сӯи Додгоҳи олии конститутсионии Сурия сурат гирифтааст.
Дар пояи қонуни асосии Сурия барои сабти расмӣ ба мақоми президентӣ ва ширкат дар маъракаи пешазинтихоботӣ, Сюзан ал- Ҳаддод бояд аз дастгирии дасти кам 35 вакили мақоми олии қонунгузори кишвараш бархӯрдор шавад.
Бақайдгирии номзадҳо аз 22 апрел шурӯъ гардида ва то 1 май идома хоҳад кард.
Барои олитарин курсӣ шаҳрвандони ба сини 40 расида, ки 10 соли ахир дар қаламрави Сурия зиндагӣ кардаву шаҳрванди кишвари дигаре нестанд ва падару модарашон табааи Сурия ҳастанд, ҳаққи мубориза бурданро доранд.
Қаблан, Шӯрои мардумӣ номзадии панҷ мардро ба қайд гирифт. Президенти кунунӣ Башор Асад то кунун дар мавриди ширкаташ дар интихобот расман ҳарфе нагуфтааст. Башор Асад аз моҳи июли соли 2000 ба ин сӯ раисҷумҳури Сурия мебошад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |