28 апр 2014 15:27Тоҷикистон / Рӯ ба рӯ
Ҳамла ба Сайидумар Ҳусайнӣ ва ронандааш дар Хоруғ
Ба гуфтаи ӯ, як гуруҳи 15-нафарӣ дар дафтари ҲНИТ дар Хоруғ ба ӯву ронандааш дарафтода, гуфтаанд, барояшон ин ҳизби исломӣ лозим несту бояд ҳарчӣ зудтар ин маконро тарк кунанд. “Ин 15 нафар мардони ҳамлагар буданд, ба ҷуз онҳо 4 чаҳор зан низ буду берун аз бино одами зиёде қарор доштанд”,-гуфт ӯ дар сӯҳбат бо “Озодагон”.
Ин вакили парлумон мегӯяд, ҳарчанд онҳо талаби афроди ҳамлагарро қонеъ карда, дафтари кории ҲНИТ-ро тарк кардаанд, вале ҳангоми савор шудан ба мошин ронандаи ӯро мавриди латту кӯби шадид қарор дода, ба худи Ҳусайнӣ низ ҳамла намудаанд: “Ронандаи маро чунон латту кӯб карданд, ки дигар қудрати пушти чанбарак нишастанро надошт ва ман ба ҷои ӯ нишастам, ки ба ман низ дарафтоданду қариб монда буд, аҳволи маро аз ӯ бад кунанд.”
Сайидумар Ҳусайнӣ мегӯяд, ҳадаф аз сафари онҳо танҳо расонидани мӯҳтавои паёми солонаи Эмомалӣ Раҳмон ба мардуми Хоруғ буд, на чизе бештар аз он. “Қарор буд, соати 14:00 бо раҳбарияти шаҳри Хоруғу вилояти Бадахшон мулоқот кунем, вале вақте рафтем, моро даромадан намонданду гуфтанд, раҳбарият нест ва аз мулоқот низ хабаре надорем. Чун ба дафтари кории ҳизб омадем, ҳамлагарон низ аз паси мо вориди бино шуданд ва ин ҳолат рух дод”,-афзуд ӯ.
Муовини аввали раиси ҲНИТ аз он нигаронӣ дорад, ки яке аз кормандони бахши ҳизб дар вилояти Бадахшон аз сӯи афроди ҳамлагар, ки либоси мулкӣ доштанд, боздошт шуда, ба шуъбаи умури дохилӣ интиқол ёфтааст: “Ин ҳамлагарон худро корманди милитсия муаррифӣ карда, нафари моро дасту пояшро баста, ба шуъбаи умури дохилӣ бурданд.”
Эмомалӣ Раҳмон, раисиҷумҳури Тоҷикистон, рӯзи 23 апрел ба аъзои Маҷлиси Олӣ, ки шомили Маҷлиси Намояндагон ва Маҷлиси Миллист, паёми солонаи худро ироа кард. Дар ин паёми оқои Раҳмон дар бораи сиёсати хориҷӣ, масоили иқтисодӣ, аз ҷумла харҷи сокинон барои гутфугӯи телефониву харидории мошинҳо, амният ва ҳифзи ваҳдати миллӣ сухан гуфта шуд. Дар пайи ин, вакилони Маҷлиси Намояндагон муваззаф гардиданд, шурӯъ аз 28 апрел ба минтақаҳо рафта, мӯҳтавои паёми раисиҷумҳурро ба мардум, бахусус интихобкунандагон мефаҳмонданд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
