Вести экономика: Осиёи Марказӣ барои об дар остонаи ҷанг аст
Торнамои “Вести экономика”-и Русия дар як матлаби худ мизони пасти об дар обанбори Токтокули Қирғизистонро, ки заминҳои Узбакистонро то ҳадде ташналаб хоҳад гузошт, оғози якдигарнофаҳмиҳо миёни кишварҳои поёнобу болооби Осиёи Марказӣ номидааст.
Ин торнамо навиштааст, “Узбакистон ҳамасола барои обёрии заминҳои пахта наздик ба 53 миллиард метри мукааб об ниёз дорад ва бар илова дар фасли рушди он боз 3 миллиард метри мукааби дигар об лозим аст. Ин ҳамаро Узбакистон аз обанбори Токтогул мегирад.” Аммо, ба гуфтаи “Вести экономика”, дар ҳоли ҳозир дар обанбори мазкур танҳо 8 миллиард метри мукааб об ҷамъ шудааст, дар ҳоле ки бояд он ба 11 миллиард метри мукааб бирасад.
“Бори аввал нест, ки Қирғизистон ба камбуди об мувоҷеҳ мешавад. Соли 2013 дар пайи мизони пасти об дар обанборҳо вилояту шаҳрҳои Намангон, Андиҷон, Фарғона, Сирдарё, Ҷиззах, Тошканд, Самарқанд, Бухоро Қашқадарё, Хоразм ва Сурхандарё ба камбуди об рӯбарӯ шуданд”,-таъкид кардааст Вести экономика.
Дар идомаи матлаби ин торнамо омадааст, “захоири об дар Осиёи Миёна сабаби нофаҳмиҳо миёни Қазоқистон, Қирғизистон, Тоҷикистон ва Узбакистон гардидааст. Вазъ баъди фурӯпошии Шӯравӣ дар соли 1991 якбора муташаниҷ гардид. Гап сари ин аст, ки баландравии нархи гази содиротии Узбакистон Қирғизистон ва Тоҷикистонро ба бунёди неругоҳҳои барқи обӣ бо ҳадафи интиқоли неруи барқ ба Осиёи Ҷанубӣ маҷбур месозад. Дар натиҷа об барои ҳалли мушкили энергетикӣ сарф мешавад ва мушкили кишоварзии ҳамсоякишварҳо дуюмдараҷа мегардад.”
“Мақомоти Тоҷикистон барои роҳандозии тарҳҳои гидроэнергетикӣ талош мекунад. Заминҳои корами ин кишвар ҳамагӣ 7 дарсад аст ва коркарди нафт ба сатҳи пасттарин мерасад ва самти асосӣ барои ин давлат содироти нерӯи барқ мемонад. Бо назардошти камбуди об дар минтақа, махсусан барои Узбакистон, Қазоқистон ва Туркманистон талошҳои Тоҷикистон барои зиёд кардани обанборҳо барои бунёди нерӯгоҳҳо ва содироти он метавонад ба таври қобили мулоҳиза танишҳои минтақаро тезонад”,-хулоса кардааст Вести экономика.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |