Нигаронии Аҳмадзода аз нарх дар бозорҳо ва дастураш барои арзонӣ
Раҷаббой Аҳмадзода, раиси шаҳри Хуҷанд дар пайи боздидаш аз бархе бозорҳои ин минтақа аз вазъи хидматрасонию санитарӣ ва нархи маҳсулот шадидан нигаронӣ карда, барои поин бурдани нарху наво ва бартарафкунии камбудҳои ҷойдошта ба масъулин муҳлат додааст.
Тавре аз дафтари матбуоти шаҳрдории Хуҷанд хабар доданд, Аҳмадзода рӯзи 29 апрел аз бозори “Панҷшанбе” боздид карда, вазъи хизматрасонӣ, нарху навои маҳсулоти ниёзи аввалаи мардумро дар он нигаронкунанда хондааст.
Раиси шаҳри Хуҷанд дар пайи болоравии нарху навои маҳсулоти кишоварзӣ ба раҳбарони бозорҳо дастур додааст, то қиматгузорӣ дар бозорҳоро таҳти назорат қарор дода, ҳаддалимкон онро поин баранд.
Инчунин Аҳмадзода дар баробари бозори “Панҷшанбе” ба тамоми нозирони минтақавӣ ва масъулини бозорҳои ин минтақа, аз ҷумла, “Афросиёб”, “20 солагии Истиқлолият”, “Баракат ЛТД”, “Бадри мунир” муҳлат додааст, то вазъи санитарӣ, шароити ҷойгиршавии растаҳои худсохт, фурӯшандаҳо ва тартиботи бозорҳоро ба низом дароранд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |