650 камераи назоратӣ дар роҳҳои Хуҷанд аз сӯи чиниҳо
Маъмурияти шаҳри Хуҷанд тасмим гирифтааст, дар кўчаҳои маркази вилоят барои назорати воситаҳои нақлиёту пиёдагардон 650 камераҳои назоратӣ насб намояд.
Бо тасдиқи ин хабар аз Маркази иттилооти шаҳрдории Хуҷанд ба «Озодагон» гуфтанд, дар робита ба ин масъала раиси шаҳри Хуҷанд Раҷаббой Аҳмадзода бо раҳбари Департаменти ширкати чинии «НUAWEI» дар Тоҷикистон Хенк Шю мулоқот оростааст.
Гуфта мешавад, ҳоло дар асоси марҳилаи аввали лоиҳаи мазкур дар шаҳри Душанбе тамоми кўчаҳои марказӣ ва хиёбонҳои пойтахт бо камераҳои мушоҳидавӣ, дастгоҳҳои назорати суръати нақлиёт ҷиҳозонида шуда, тамоми ҳаракати воситаҳои нақлиёт ва пиёдагардон зери назорат гирифта шудааст. “Марҳилаи дуюми ин лоиҳа бошад, насби камераҳои мушоҳидавӣ ва дастгоҳи назорати суръати нақлиёт, гузоштани аломатҳои роҳ ва кашидани хатҳои уфуқӣ дар кўчаҳои маркази вилоятро дар бар мегирад”,-афзуд манбаъ.
Зимнан, қайд гардид, дар доираи лоиҳаи мазкур ширкати «НUAWEI» тасмим гирифтааст, дар кўчаҳои маркази вилоят 35 чароғаки раҳнамо ва 40 дастгоҳи назорати суръатро низ насб намояд. Ёдрас мекунем, ширкати мазкур бо дастури Эмомалӣ Раҳмон, раисиҷумҳури Тоҷикистон, дар якҷоягӣ бо Вазорати умури дохилии кишвар лоиҳаи беҳтар намудани вазъи ҳаракати роҳро амалӣ менамояд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |