Шукурҷон Зуҳуров даъвати Бердимуҳаммадовро пазируфтааст
Шукурҷон Зуҳуров, раиси Маҷлиси Намояндагон, палатаи поёнии парлумони Тоҷикистон, дар як дидор бо Қурбонгулӣ Бердимуҳаммадов – раисиҷумҳури Туркманистон равобити ду кишвари ҳамсояро баррасӣ кардааст. Оқои Зуҳуров ба Бердимуҳаммадов гуфтааст, “муносибати дӯстонаю хусусии Шумо бо президенти мо ва ташрифоварию мулоқоту вохӯриҳои дуҷонибаатон, бешак, омили эътимодбахшест, ки барои тавсеаи минбаъдаи ҳамкории минбаъда кумак мекунад”.
Муҳаммадато Султонов, сухангӯи Маҷлиси Намояндагон мегӯяд, дар ҷараёни ин мулоқот Шукурҷон Зуҳуров ҳамчунин афзуда, ки вакилони парлумони Тоҷикистон ба равнақу ривоҷи ҳамаҷонибаи ҳамкорӣ бо Туркманистон аҳамияти калон медиҳанд: “Умедворем, гуруҳҳои парлумонии дӯстӣ ва ҳамкорӣ дар самти таҳкими заминаи ҳуқуқию шартномавии муносибатҳои байнидавлатӣ, расонидани ёрии парлумонӣ ба ҷидду ҷаҳди комиссияи байниҳукуматӣ, аз ҷумла, дар бобати иҷрои шартномаю созишномаҳои имзошуда бисёр корҳоро иҷро мекунад”.
Манбаъ мегӯяд, президенти Туркманистон дар ин дидор гуфтааст, "тезондани сохтмони роҳи оҳани Тоҷикистон-Афғонистон-Туркманистон дар маркази таваҷҷуҳи ҳарду ҷониб қарор дорад".
“Дар анҷоми мулоқот Қурбонгулӣ Бердимуҳаммадов аз Шукурҷон Зуҳуров даъват намуд, ки дар вақти барояш муносиб бо сафари расмӣ аз кишвараш дидан намояд. Ин даъват бо самимият пазируфта шуд”,-мегӯяд Муҳаммадато Султонов.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |