Омодагии Ашқобод барои интиқоли барқ ба Тоҷикистон дар зимистон
Қурбонгулӣ Бердимуҳаммадов, раисиҷумҳури Туркманистон дар мулоқот бо ҳамтои тоҷикаш – Эмомалӣ Раҳмон омодагии кишварашро барои содироти нерӯи барқ ба Тоҷикистон эълон кардааст.
Тавре расонаҳои давлатии Туркманистон иттилоъ медиҳанд, Бердимуҳаммадов дар суҳбат бо Эмомалӣ Раҳмон рӯзи 5 май масъалаи сохтмони хатти интиқоли нерӯи барқи Туркманистон-Афғонистон-Тоҷикистонро бардоштааст. Ӯ ба ҳукумати Тоҷикистон пешниҳод кардааст, ки имкониятҳои бунёди ин хатти интиқоли барқро мавриди баррасӣ ва омӯзиш қарор диҳанд.
“Ҳоло нерӯгоҳҳои бунёдшаванда дар дар вилоятҳои Лабиоб ва Марӣ имкон медиҳанд, ки содироти нерӯи барқ аз Туркманистон ба Афғонистон 5 баробар зиёд шавад ва дар сурати ҳавасмандии Тоҷикистон Ашқобод омодааст дар фасли сармо ба Душанбе барқ интиқол диҳад”,-афзудааст Бердимуҳаммадов.
Вале назари ҷониби Тоҷикистон дар робита ҳанӯз норавшан буда, дафтари матбуоти раёсати ҷумҳури кишвар низ дар ин бора иттилое надодааст.
Пешниҳоди интиқоли нерӯи барқ аз Туркманистон ба Тоҷикистон дар ҳолест, ки аксари сокинони Тоҷикистон дар фасли сармо, дақиқтараш шаш моҳ дар як сол аз норасоии нерӯи барқ азият мекашанду мақомот ҳамоно мегӯянд, то бунёди неругоҳи барқи обии Роғун, ки бо мухолифати шадиди Узбакистон рӯбарӯст, мушкили барқ ҳалли худро нахоҳад ёфт.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |