13 май 2014 14:12Тоҷикистон / Акс

АКС: Даҳҳо манзили сокинони Қумсангир зери обу лой мондааст

Дар пайи боришоти зиёд ва баланд шудани сатҳи оби дарё беш аз сад хонаи истиқоматӣ дар шаҳраки Дӯстии ноҳияи Қумсангир зери обу лой монда, ҳудуди 15 манзил хароб гардидааст.

Бобои Зоҳир, як сокини шаҳраки Дӯстӣ, рӯзи 13 май дар суҳбат бо “Озодагон” гуфт, ҳоло сокинон дар ҳамдастӣ бо кормандони Кумитаи ҳолатҳои фавқулодаи кишвар хонаҳоро аз обу лойқа тоза мекунанд. Сокинони ин минтақаи ноҳияи Қумсангир мегӯянд, сабаби аслии зери обу лой мондани манозили зисти онҳо боло рафтани сатҳи об дар дарё мебошад, ки тавассути шаҳрак убур мекунад.

Ба гуфтаи онҳо, ин офати табиӣ хисороти ҷонӣ аз худ боқӣ нагузоштааст. Дар ҳамин ҳол, Кумитаи ҳолатҳои фавқуллодаи Тоҷикистон аз ташкили комиссияи махсус барои пайгирии ин ҳодиса хабар дода, мегӯяд, шоми 12 апрел дар пайи вазидани шамоли сахт нерӯи барқ қатъ гардида, аз кор мондани насосҳои обкаш боиси боло рафтани сатҳи об дар дарё шудааст.

Ориф Нозимов, сухангӯи ин ниҳод дар суҳбат бо хабаргузории “Озодагон” гуфт, ҳоло ҳайати шахсии Ситоди вилояти Хатлон бо роҳбарии майёр Ҳотамшоҳ Шарифов ба ҷойи ҳодиса ҳозир шуда, корҳои бартарафкунӣ идома дорад.

Мӯҳр

Хабарҳои монанд:

Далер

ба зарар дидагони ин офати табии сабру токат орзумандам. дар нохияи Рудаки дар санъаи 11.05.2014 сел омадааст дар ягон сомонаи интернети,телевизион хабар надоданд . факат дар сомонаи https://mir24.tv/news/incidentes/10461216 каме маълумот додаанд. Аз кормандони матбуот хохиш менамоям ба нашри харгуна маколахои бемани машгул нашуда ба нишон додани вокеият сари вакт ва обективи машгул шаванд. зеро мо дар мухочират аз асли вокеа бехабарем.

Ҷавоб диҳед Иқтибос Шикоят

Эзоҳ илова кунед