19 май 2014 08:30Тоҷикистон / Ҷавонон ва варзиш

Тоҳир Муминов: “Вахш” ба мушкили ҷиддии молӣ дучор шудааст

Тоҳир Муминов, сармураббии дастаи “Вахш”-и Қӯрғонтеппа гуфтааст, клуб дар пайи мушкили ҷиддии молӣ дар ҳоли барҳам хурдан аст.

Тавре торнамои Федератсияи футболи Тоҷикистон менависад, ҷаноби Муминов ин нуктаро пас аз бохт аз тими “Хайр”-и Ваҳдат иброз доштааст. Ин дидор дар доираи даври 5-уми чемпионати Тоҷикистон миёни дастаҳои лигаи олӣ баргузор шуд ва “Вахш” бо ҳисоби 0:2 шикаст хурд.

Сармураббии “Вахш” гуфта, ки агар вазъ тағйир наёбад, шояд клуб аз идомаи сабқати футболи Тоҷикистон даст бикашад. “Мо мушкили ҷиддӣ дорем. Панҷ рӯзи охир умуман тамрин накардем. Бачаҳо аз бозӣ даст кашиданӣ буданд, аммо онҳоро мутмаин сохтаву ҷамъ овардем. Федератсияи футболи Тоҷикистон дастаро бо роҳкиро ва ғизо таъмин намуд, то бозӣ бо “Хайр”, ки дар варзишгоҳи таъмиршудаи Ваҳдат баргузор шуд, доир бигардад. Фаъолияти минбаъдаи даста зери суол аст. На сарпарастон ва на ҳукумати вилояти Хатлону шаҳри Қӯрғонтеппа таваҷҷуҳ зоҳир намекунанд. Дар панҷ моҳ танҳо як маротиба маош гирифтем. Вазъи даста дар вазъи хеле бад аст”,-гуфтааст Тоҳир Муминов, сармураббии дастаи “Вахш”-и Қӯрғонтеппа.

Мӯҳр

Хабарҳои монанд:

хонанда

Шахболро ки мухофизи Ватан буд дар фурудгохи Хучанд дар замин гузоштанд. Вахш-ро чи ? гахворааш аз осомон омадааст ки хар сол хукумати Хатлону ё Кургонтеппа маблаггузори кунад

Ҷавоб диҳед Иқтибос Шикоят

Умуман барои Точикистони кашшок футболи касби лозим нест. Поямонро бо кадди курпаамон бояд дароз кард. Танхо футболи любительский.

Ҷавоб диҳед Иқтибос Шикоят

Сарир

Сухан инчост,ки агар вилояти Кургонтеппа алохида бошад,мардуми водии Вахш клуби дустдоштаи худро дастигири карда метавонанд.

Ҷавоб диҳед Иқтибос Шикоят

Эзоҳ илова кунед