“Агар аз чизҳои ночиз шикоят мекунед... оянда надоред” (ВИДЕО)
Шамсиддин Орумбеков, вазири фарҳанги Тоҷикистон, ба сӯҳбати як гуруҳ аз ҳунармандони ҷавон, ки рӯзи 20 май баргузор шуду мехостанд, дарди дилашонро баён кунанд, наомад. Дар ҳоле ки ба қавли Далери Эмомалӣ, масъули барномаҳои фарҳангии ҷашнвораи театрии ҷавонон – “Нигоҳи нав”, ин сӯҳбат як моҳ қабл бо вазир ҳамоҳанг шуда буд.
“Дирӯз (19 май) вазир дар суҳбати телефонӣ гуфтанд, 20 май бо раисиҷумҳур мулоқот дошта, наметавонанд ба ин вохӯрӣ биёянд”,-афзуд Далер. Ба ҷои вазир дар мулоқот, ки дар Театри ҷавонони ба номи Маҳмуди Воҳид дар Душанбе баргузор гардид, Тоҳири Муҳаммадризо -- як масъули Вазорати фарҳанги Тоҷикистон омад ва ба саволи ҳунармандон ҷавоб гуфт. Ҳунармандони ҷавон бештар аз он шиква карданд, ки Вазорати фарҳанг аз
онҳо пуштибонӣ намекунад, дар ҳоле ки ба гуфтаи онҳо хурду бузурги Тоҷикистон изҳор медоранд, “ҷавонон ояндаи миллатанд”. Мисоли мушаххаси ҳунармандони ҷавон ин буд, ки онҳо барои намоиши саҳнаҳои ҷашнвораи “Нигоҳи нав”, ки бояд панҷ рӯз идома мекард, толори бепул наёфта, саргардон шудаанд. Қандил Тоиров, донишҷӯи соли 3-юми Донишкадаи санъати ба номи Мирзо Турсунзода мегӯяд, аслан барои онҳо муҳим набуд, ки ба вохӯрӣ кӣ омад. Муҳим он аст, ки ба дарди дили онҳо гӯш дода, барои ҳалли мушкилашон кумак намоянд. “Тамоми ҷавононе, ки ин ҷо омадаанд, барои ҳалли мушкили худ омадаанд. Ягон ҷавон аз ҷониби давлат дастгирӣ намебинад. Амир ном як шаҳрванди Эрон, намояндаи фестивали Румӣ дар Норвегия, барои тамошои намоиши мо омаду мушкиламонро дида, маблағи толори Театри ҷавононро пардохт кард. Ҳарчанд вазорат метавонист, ин толорро бепул ба мо супорад. Барои ман ин як даҳшат буд”,-гуфт ӯ.
“Нигоҳи нав” рӯзи 12 майи соли ҷорӣ бо мастер-классҳо шурӯъ шуду ҳунармандони ҷавон аз 16 то 20 май намоишҳои омодакардаи худро ба тамошо гузоштанд. Ба гуфтаи онҳо, барои пуштибонӣ чанд бор ба Вазорати фарҳанг муроҷиат намуда, вале кумаке дарёфт нанамудаанд. Ин гуруҳи ҳунармандон мегӯянд, ҳатто масъулони Театри ҷавонони ба номи Маҳмуди Воҳид аз онҳо хостаанд, барои 5 рӯзи намоиши саҳнаҳои ҷашнвораи “Нигоҳи нав” панҷ ҳазор сомонӣ пардохт намоянд. Тоҳири Муҳаммадризо, масъули Вазорати фарҳанг гуфт, маблағе, ки аз онҳо барои толор гирифта шудааст, танҳо барои истифодаи барқу об супурда хоҳад шуд.
Дар посух ба ин суоли ҷавонон, ки барои чӣ аз ҷониби вазорат ва Донишкадаи санъат дастгирӣ намеёбанду ягон корманди вазорат дар намоишҳои мо иштирок намекунанд? Тоҳири Муҳаммадризо посух дод, ки моҳи май чорабиниҳо бисёранд ва тамоми кормандон банд мебошанд.
“Шумо ба зиндагӣ ворид шудаед. Худатон бояд мустақилона кор кунед, забон ёбед, маслиҳат кунед. Зиндагӣ мубориза аст. Шумо як ҷодаи вазнинро интихоб кардаед, ҳамаи чиз аз нерӯю қуввати худатон вобаста аст. Агар ба як чизҳои ночиз меранҷеду шикоят мекунед, донед, ки оянда надоред. Одам бояд устувор бошад. Шумо ҳоло дар чорроҳаед ва ҳамаи интихобатон аз қудрату нерӯи худатон вобаста аст. Эҷодкор бояд аз тамоми тоҷирон бузургтару пурқувваттар бошад, барои он ки комёб шавад”,-таъкид дошт Тоҳири Муҳаммадризо.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
