Шаш талаби эътирозгарон дар маркази Бадахшон
Даҳҳо сокини вилояти Бадахшон дар эътироз ба тирпаронии 21 майи шаҳри Хоруғ дар назди бинои ҳукумати вилоят гирдиҳам омадаанд.
Тавре сокинони маҳаллӣ дар суҳбат бо “Озодагон” гуфтанд, талаби аслии таҷаммуъгарон таҳқиқи мунсифонаи ин задухӯрди хунини шаҳри Хоруғ мебошад.
Ба гуфтаи онҳо, сокинони гирдиҳамомадаи Бадахшон аз мақомот талаб доранд, бо шумули раиси вилоят, нафарони фиристодаи раисиҷумҳур ва ҳукумати Тоҷикистону ҷомеаи шаҳрвандӣ ва созмонҳои ғайридавлатӣ барои таҳқиқи қазия комиссия ташкил дода шавад.
Инчунин, сокинон хостаанд, тамоми кормандони мақомоти ҳифзи ҳуқуқ, аз шаҳрӣ то вилоятию ҷумҳуриявӣ бо шумули раҳбаронашон, ки дар ин қазия даст доранд, ба истеъфо фиристода шаванд.
Сокинони вилояти Бадахшон гуфтаанд, комиссияи мазкур бояд ҳаводиси моҳи июли соли 2012 ва қазияи латту кӯби сокинони ноҳияи Рӯшонро низ таҳқиқ карда, барои ҷилавгирӣ аз зуҳури чунин ҳодисот дар оянда чораандешӣ кунад.
“Иштирокдорони ҳаводиси соли 2012 авф гарданд ва Шерик Карамхудоеву Димон Ашӯров аз зиндон озод гарданд;
Ҷаласаи ғайринавбатии вакилони шаҳрӣ ва вилоятӣ даъват карда шавад;
Барои таъмини ҳимояи ҳуқуқии аҳолӣ дар назди Донишгоҳи давлатии Хоруғ факултаи ҳуқуқшиносӣ ташкил гардад”,-таъкид шудааст дар талабномаи тазоҳургарон.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |