23 май 2014 14:21Оcиёи Марказӣ / Тоҷикистон

Баронессаи Бритониё сафарашро ба Хоруғ лағв кард

Баронесса Вивиен Стерн, узви порлумони Бритониё, ки бо сафари расмии ҳафтрӯза дар Тоҷикистон қарор дорад, аз нияташ барои боздидаш аз шаҳри Хоруғ гаштааст.

Тавре аз сафорати Бритониёи Кабир ба “Озодагон” иттилоъ доданд, ин сафар, ки қаблан тарҳрезишуда буд, бо назардошти вазъи феълӣ дар Хоруғ лағв гардид. Феълан дар шаҳри Хоруғ дар пайи тирпаронии маргбори 21-уми май эътирози шаҳрвандон идома дорад.

Сафорат таъкид намуд, ки нақшаҳои дигари баронесса дар Тоҷикистон тағйир наёфта, тибқи барномаи тарҳрезишуда сурат хоҳанд гирифт. Манбаъ ҳадафи аслии сафари баронессаро шиносоӣ бо вазъи зиндонҳои кишвар ва ислоҳоти соҳа арзёбӣ мекунад.

Вивиен Стерн узви палатаи лордҳо ва узви кумитаи қонунгузории парлумони Британия мебошад. Ӯ аз соли 1989 то соли 2006 ҳамчун дабири кулли ташкилоти “Penal Reform International” адои вазифа намудааст. Қонуни ҷиноӣ, равобитҳои байналхалқӣ, ҳуқуқи инсон, рушди умумиҷаҳонӣ ва ислоҳоти муасисаҳои махсус аз доираҳои таваҷҷуҳи Баронесса Стерн арзёбӣ мешаванд. Стерн муаллифи якчанд китобҳо дар мавзӯи ислоҳоти муасисаҳои махсус мебошад.

Мӯҳр

Хабарҳои монанд:

Ismaili

Салом. Чаро барои вохурии сафир бо намояндагони чомеаи шахрванди дар Хоруг монеае ба вучуд оварданд. Чаро махз дар рузи ташрифи сафир дар шахри Хоруг теъдоди кормандони вазорати дохили яку якбора зиёд шуданд? Чаро дар байни шахрвандон сару садохои бардуруге, ки гуё аз он тарафи дарёи Панч Авгонистон толибон омада истодаанд, пахн намуданд. Хол он ки ноороми дар марзи Шуробод ба вукуъ омад, ки он аз Хоруг кариб 400км дур аст. Чаро махз дар ин руз? Маълум аст, зеро мехоханд то сафир тезтар Хоругро тарк намояд ва аз авзои хакикии Хоруг бохабар нашавад ва бо намояндагони чомеаи шахрванди мулокот накунад. Шукронаи Худо дар Хоруг ва атрофи он авзоъ тинчу ором аст. Вале бо кушиши баъзехо махз сафорати Инглистон хушдор додааст то шахрвандонаш аз сайёхат ба Бадахшон худдори намоянд.

Ҷавоб диҳед Иқтибос Шикоят

Эзоҳ илова кунед