23 май 2014 15:02Тоҷикистон / Хоруғ: 21 май / Сиёсат

Интиқод аз кори пулис ва худсариҳои сокинон дар мулоқот бо раис

Фаъолони ҷомеаи шаҳрвандии Бадахшон дар мулоқот бо Шодихон Ҷамшед, раиси вилояти Бадахшон, ки дар ҳузури намояндагони мақомоти пулису амният сурат гирифтааст, сабаб ва пайомадҳои тирпарронии маргбори рӯзи 21-уми майро дар Хоруғ баррасӣ кардаанд.

Тавре яке аз иштирокдорони мулоқот хабар дод, зимни ин дидор эътироф шудааст, ки амалиёт барои боздошти гумонбарон дар қочоқи маводи мухаддир ғайриҳирфавӣ ва ба хубӣ фикр нокарда, гузаронда шудааст. Бо вуҷуд таъкид гардидааст, ки ин ба ягон кас ҳақ надодааст, ки бинои додгоҳ, додситонӣ ва пулисро оташ зананд.

Ба иттилои манбаъ Абдулло Навҷувонов дар ин мулоқот даъват кардааст, ки зимни муҳокимаю баҳогузориҳои ҳаводиси Хоруғ бояд эҳтиёткор буд, то барои нерӯҳои манфиатҷӯй замина барои ноором сохтани минтақа ва иғвоангезӣ дода нашавад.

Навҷувонов зикр кардааст, ки қазия аз боздошти сокини Шуғнон Ширинбеков Ширинбек дар ноҳияи Ванҷ бо 16 кило бангдона оғоз шудааст, ки тибқи нишондоди ӯ ин маводи мухаддир ба Шанбиев Мунаввар тааллуқ доштааст. Зимни амалиёти боздошти Шанбиев тирпарронӣ сурат гирифтааст, ки бо марги се нафар ва ҷароҳати чанди дигар анҷомидааст.

Иштирокдорони мулоқот қарор кардаанд, барои баҳогузории сатҳи гунаҳкории ҷонибҳо комиссияи махсус таъсис дода шавад ва барои ором сохтани вазъ фаъолони минтақа дар маҳаллаҳои Хоруғ бо сокинон корҳои фаҳмондадиҳӣ гузаронанд.

Акс аз сомонаи "impuls-kalam"

Мӯҳр

Хабарҳои монанд:

tojik

kujo nigoh kard hukumatu makomothoi badaxshon ki xalk tayori ba suzondanu betonhovu balonho didand???

Ҷавоб диҳед Иқтибос Шикоят

Минхоч

Давлату Хукумат ва ниходхои онро дар хама холат эхтиром бояд гузошт. Он моли касе нест. На аз сарвару на аз бесар. Беэхтироми ба ин ниход пешаи рисолавии чиноятпешагон аст. Барои як ё ду нафаре, ки ба амри макомот итоат накардаанд, оташ задани бинои ниходе, ки садсолахо манофеи хазорони нотавонро дифоъ кардааст, бадтарин беодобист. Ин амали чавонони майдонии Бадахшонро намедонам, ки кихо махкум намекунанд. Бо думи Шер бози кардан окибати ногувор дорад. Ин Шер, ки аз гами ноамнихои гузашта хаста аст, окибат ба хашм меояд. Он гох дер хохад шуд.

Ҷавоб диҳед Иқтибос Шикоят

аъзам

Бинохои суд..прокуратура ва милиса.ба гурухои чинояткор алокаманди дорад..ва онхо ин бинохоро сузонданд...халки одди ба ин бинохо кор надорад. Ин чинояткоронро хатман ба чавобгари кашидан лозим..дигараш эхсосот аст... Баъд..нагуед Бадахшон..гуед Хорог..аксари мардуми Бадахшон тарафдори давлат аст. Дар Хорог баъзе гурухои чинои аз худ рафтаанд.

Ҷавоб диҳед Иқтибос Шикоят

Фирдавс

Чомеаи шахрвандии ВКМБ нею чомеаи шахрвандии Хоруг. Мо шуморо интихоб накардем, аз номи худ сухан кунед. Хайси ин ташкилот факат намояндагони Хоруг, на Ванчу, Дарвоз, Ишкошим, Мургоб, Рушон ва дигар чойхои Бадахшон. Чаро шумо чомеаи шахрвандии Хоруг ултиматум ба нашачаллобон намегузаронед, ки халкро хар руз ба халк захр мефурушанд. Чаро ин гусфандхо озодона худро хис мекунанд. Чаро хонахошонро намесузонед? Чаро дасту пойхошонро намешиканед? tojik,
tojik,

Ҷавоб диҳед Иқтибос Шикоят

zilzila

Агентии маводи муккадир дар мубориза бар зидди кочокчиёни маводи нашъаманди дар минтакаи Бадахшон фаолияташро бояд пурзур ва чоннок намояд.

Ҷавоб диҳед Иқтибос Шикоят

синои кулоби

Навҷувонов зикр кардааст, ки қазия аз боздошти сокини Шуғнон Ширинбеков Ширинбек дар ноҳияи Ванҷ бо 16 кило бангдона оғоз шудааст, ки тибқи нишондоди ӯ ин маводи мухаддир ба Шанбиев Мунаввар тааллуқ доштааст

Шумо намедонед хамаи тичоратро аз худ кардагианд хатто бангдонаро барои хамин беичозат мумкин нест.

Ҷавоб диҳед Иқтибос Шикоят

Эзоҳ илова кунед