Латту кӯби мироби деҳаи Сарои Ашт аз сӯи собиқ милиса
Шуъбаи умури дохилии Ашт дар робита ба латту кӯби Фаррух Нурматов -- мироб ва сокини маъюби деҳаи Сарои ҳамин ноҳия аз сӯи Фозил Ҳоҷиматов -- соҳибкори маҳаллӣ парванда боз карда, ба таҳқиқи он шурӯъ намудааст.
Фаррух Нурматов иддао дорад, ки Ҳоҷиматов рӯзи 25 майи соли ҷорӣ ӯро барои ҳақталошӣ ва талаб кардани музди меҳнаташ мавриди латту кӯб қарор додааст. Нурматов рӯзи 26 май дар суҳбат бо “Озодагон” гуфт, аз сӯи афсари мустаъфии Вазорати умури дохилӣ дар ҳоле латту кӯб шудааст, ки танҳо ҳаққи ҳалоли худро талаб карда буд.
Ба гуфтаи ин мироби деҳаи Сарои ноҳияи Ашт, гӯиё ӯ боғи Ҳоҷиматовро 9 соату 30 дақиқа обёрӣ кардааст ва соҳибкор танҳо музди меҳнати яксоатаашро пардохт кардаасту бас. “Ҳар соати обёрӣ 2 сомонӣ арзиш дорад, вақте ман 9 соату 30 дақиқа обёрӣ кардам, ӯ ба ман танҳо 2 сомонӣ дод, дар ҳоле ки 19 сомонӣ мешавад. Хуб дигараш маълум аст. Вақте зиёд ҳаққи худро талаб кардам, ки зери зарбу лат гирифт, ки дар натиҷа сару дасти маъюбам осеб диданд. Ҳоло дар бемористон хобидаам”,-афзуд ӯ.
Фаррух Нурматов сокини ноҳияи Ашт ва маъюби дараҷаи дуюм мебошад. Соҳиби ду фарзанд буда, ризқи рӯзии оилаи худро аз миробӣ пайдо мекунад. Дар ҳамин ҳол, Фозил Ҳоҷиматов даъвои мироби деҳаашонро беасос номида гуфт, сабабгори ин қазия худи Фаррух нурматов аст, ки ӯву фарзандашро дашноми қабеҳ додааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |