29 май 2014 18:07Тоҷикистон / Фарҳангу адаб / Видео

Нилуфар дар ҷашнвораи Русия соҳиби ҷоизаи “Беҳтарин нақши зан” шуд (ВИДЕО)

Нилуфар Файзиева, ҳунарпешаи ҷавони тоҷик, дар ҷашнвораи байналмилалии филмҳо дар шаҳри Чебоксарии Русия соҳиби ҷоизаи “Беҳтарин нақши зан” гардид. Файзиева дар филми ҳунарии Лариса Садилова, коргардони рус, бо номи “Она” ширкат дошта, дар он нақши аслии зан (Мая)-ро бозӣ кардааст.

Ҳайати ҳакамон дар ҷашнвораи 7-уми байналмилалии синамо, ки дар шаҳри Чебоксарии Русия аз 19 то 24 майи соли ҷорӣ идома ёфту дар он филми “Она” ширкат дошт, Нилуфар Файзиеваро ҳамчун барандаи ҷоизаи “Беҳтарин нақши зан” ном гирифтаанд.

Лариса Садилова, коргардони филм, қаблан гуфта буд, ки “Она” аз рӯи ҳодисаҳои воқеӣ дар вилояти Брянск ба навор гирифта шудааст. “Духтарро ба Маскав оварда, танҳо гузоштанд. Ӯ ҳатто ба русӣ сӯҳбат карда наметавонист. Ҳамаи саргузашт ҳамин аст”.

Ба қавли Садилова, эҳтимол баъд аз ин филм шаҳрвандони Тоҷикистон назари худро дар мавриди кор дар Русия тағйир бидиҳанд: “Фикр мекунам, модароне, ки фарзанди худро барои кор ба инҷо мефиристанд, аз шарту шароити зисти ҷигарбандашон огоҳие надоранд. Эҳтимол баъди филм падару модарон қабл аз фиристодани фарзандашон суол мегузоранд, ки фиристанд ё нафиристанд? Чунки дар ватани худ аксари муҳоҷирон афсонаҳое ба монанди моҳонаи зиёд ва шароити хуби корӣ дар Русия нақл мекунанд.”

Лариса Садилова гуфтааст, дар асл бо ҳаёти муҳоҷирони корӣ хеле хуб огоҳӣ дорад, зеро продюсери ин филм, ки ҳамзамон шавҳараш аст, Рустам Аҳадов, тоҷик мебошад. Соли гузашта филми “Она” дар ҷашнвораи синамои «Равзана ба Аврупо» иштирок карда, яке аз беҳтарин филмҳо дониста шуда буд.

Мӯҳр

Хабарҳои монанд:

Азиз

Офарин духтари точик.

Ҷавоб диҳед Иқтибос Шикоят

Боз ҳамон филмҳои давраи рукут!!!
"Рус бародари бузурги мо!" "Халқи бузурги рус!" ва ҳоказо!!!
Бас будагист, ҳамин хел филмҳое, ки миллати моро таҳқир мекунанд!!!

Ҷавоб диҳед Иқтибос Шикоят

Хуршед

БАНОМИ ХУДОВАНДИ БАХШАНДА ВА МЕХРУБОН.
Салом ба хама хамватанон.
Ман Нилуфарро табрик мекунам ва барояш чоизахои аз инхам болотар хохонам, аммо дустони гироми дар Чебаксарии Русиё кадо намоиши байнанмил... шуда бошад? дар Москва намоиш мешавад ба гайр аз Руссхо ва Давлатхои зердасти у касе дигар намеояд. Номаш чунин аст, (Международный) худаш хеч. Хубтар мешуд ру ба Русиё нею ба хорича Европа мекардед ё ба Ирон

Ҷавоб диҳед Иқтибос Шикоят

Ин филм шарманда будани мардуми точикро нишон медихад. Хакикат хамин аст.

Ҷавоб диҳед Иқтибос Шикоят

Tojikistoni

Filmest ibratomuz baroi nasli javone, ki ba muhojirat meravand.
Muhtaram javonon, ba zanoni Tojik biyoyed ehtirom guzorem!

Ҷавоб диҳед Иқтибос Шикоят

Эзоҳ илова кунед