02 июн 2014 10:01Тоҷикистон / Иҷтимоӣ / Видео

ВИДЕО: Сел дар Душанбе Камолиддин Умеди панҷсоларо бурдааст

Бориши зиёди борон дар баъзе аз маҳаллаҳои Душанбе, пойтахти Тоҷикистон, боиси омадани сел шуда, як кӯдаки панҷсоларо низ бо худ бурдааст. Ин ҳодиса баъд аз зӯҳри якуми июн дар маҳаллаи Камоли Хуҷандии ноҳияи Шоҳмансури пойтахт иттифоқ уфтода, танҳо рӯзи дувуми июн ҷасади ин кӯдак аз “Колхози Русия”, воқеъ дар ноҳияи Рӯдакӣ, пайдо шудааст.

Тавре шоҳидони ҳол ба “Озодагон” гуфтанд, Камолиддини Умед ҳангоми бориши зиёди борон дар берун буда, сел ӯро бо худ бурдааст. “Оби ҷӯйбор якбора зиёд шуд ва Камолиддинро бурд. Бо вуҷуди талоши шоҳидони ҳол касе аз ҳозирин натавонист кӯдакро наҷот диҳад”,-гуфт дар сӯҳбат бо мо яке аз сокинони маҳаллаи Камоли Хуҷандӣ.

Ба иттилои манбаъ, дар пайи талошҳои мардуми маҳалла ва кормандони Кумитаи ҳолатҳои фавқулода ҷасади Камолиддини 5-сола рӯзи дувми июн аз қаламрави “Колхози Русия”-и ноҳияи Рӯдакӣ дарёфт шудааст.

ДАР ВИДЕО: Сел дар кӯчаҳои Душанбе, баъд аз бориши 1 июн:

Мӯҳр

Хабарҳои монанд:

Махмадрахим

Худованди мехрубон сабри чамил ато кун ба Падару Модари ин писараки мархуми 5-сола. Ман хам хамдарди худро байён мекунам ба ин Падару Модари кудакаки мархум боз як бори дигар сабри чамил ато кун ба Волидайни ин кудакаки мархум Худованди мехрубон чойяша яке аз богчахои чаънат бигардон омин омин омин!!!

Ҷавоб диҳед Иқтибос Шикоят

Одил

Очаи бадбахти бепарвояш куҷо будааст, ки тифлро дар ин вазъи хатарнок беназорат гузоштааст?.

Ҷавоб диҳед Иқтибос Шикоят

Cамир

Мухтарам Раиси шахр Убайдуллоев!
Як бор хамини кучаи Камоли Хучандй ташриф биёред! Як бор бо рохи суйи мактаби №39 кадам занед. Бинед ки чи кадар роххо тангу бориканд! Офарини ин кудакон ки харруз бо ин рох мактаб мераванд. рохи пиёдагард вучуд надорад! хама бо рохи мошигарди тангу борик рох мегарданд. агар хамин хел рафтанд гирад харгуна фалокат шуданаш мумкин аст дар ин рох.
Касе аз масъулин ё шахсони ваколатдор, ё рузноманигорони гами халка мехурдагй илтимос аз ахволи махаллаи Хучандй бохабар шаведу ба Раиси шахр расонед!
Бо эхтиром сокинони махаллаи Камоли хучандй!!!!

Ҷавоб диҳед Иқтибос Шикоят

Эзоҳ илова кунед