04 июн 2014 09:57Оcиёи Марказӣ / Тоҷикистон

Пӯлодов: Сӯзани фурӯбурдаи Шукрона хориҷ шудааст (ВИДЕО)

Холбозор Пӯлодов, табиби беморхонаи Қаряи болои Душанбе мегӯяд, сӯзани фурӯбурдаи Шукрона Давлатоваи 12-сола хориҷ шудааст.

Пӯлодов дар субҳи 4-уми июн дар суҳбат ба “Озодагон” гуфт, ташхиси ахир нишон дод, ки сӯзани фурӯбурдаи Шукрона аллакай берун шудааст: “Муоинаи охири Шукронаро бо ҳайати ҳамкорон гузаронда, муайян кардем, ки аз сӯзан осоре нест. Агар сӯзан то ин вақт дар меъдааш мебуд ӯро азият медод.” Пӯлодов афзуд, ки феълан вазъи саломатии Шукрона хуб буда, таҳти назорати табибон қарор дорад.

Ин табиб гуфт, дар ташхисҳои қаблӣ сӯзан намоён буд. Ба гуфтаи ӯ хонаводаи Шукрона ба онҳо 29 май муроҷиат кардаанд: “Ҳангоми навбатдории мо омада гуфтанд, ки духтар сӯзан хӯрда, як рӯз ба ҳеч кас нагуфтааст. Ин сӯзани борик буда, халанда нест. Он вақт дар рӯдаи борик буд. Мо назорат кардем, ягон шикояти дард набуд. Гуфтанд, ки шароит нест ва пагоҳ меоем. Вақте пагоҳаш омаданд, сӯзан ба рӯдаи ғафс гузаштааст. Ҳозир ду бор ташхис кардем, ки сузан хориҷ шудааст.”

Шукрона Давлатова, хонандаи синфи панҷуми мактаби №172-и ноҳияи Рӯдакӣ, мегӯяд, аз тарси он ки муаллима озораш надиҳад, пеш аз дохили синфхона шудан рӯсарии худро аз сар гирифта, сӯзани онро дар даҳонаш гузоштааст, ки баъдан ба меъдаш рафтааст:

Чанд сол пеш Вазорати маорифи Тоҷикистон низоми либоси ягона (униформ) ва ё формаи мактабиро ҷорӣ кард, ки бар асоси он бо сатр ё рӯсарӣ ҳозир шудан дар таълимгоҳҳо, яъне мактабҳои миёнаву донишгоҳҳо, мамнуъст. Омӯзгорон аз толибаҳо ва донишҷӯён тақозо мекунанд, ки ҳамеша бо либоси ягона ба дарсҳо оянд.

Мӯҳр

Хабарҳои монанд:

Ронанда

Бехабар ки мондед хабар надихед бехатар бо хамин хабари дуруг додан шумо чи фоида мегиред ачаб мардуми хилагар будаед Шукронаро нав ба томаграфия бурданд

Ҷавоб диҳед Иқтибос Шикоят

хакикат

худованд нигохдор бошад иншооллох ин хохараки моро худованд худаш шифо медиханд, лекин ин муаллима ва он шахсеки ин хукмро баровардааст назди худованд чазояшро мегирад

Ҷавоб диҳед Иқтибос Шикоят

хайрон

кира бовар кнем, духтура ё ронандара bully

Ҷавоб диҳед Иқтибос Шикоят

хакикат

ин сатре ки аз тарафи худованд фарз шудааст барои хондан чи зарар дошта бошад, ё шахсоне ки аз худованд наметарсан барои онхо занхои сарлуч ва нимбарахна макул бошад бо хамин максад ин хукмро бароварда бошад

Ҷавоб диҳед Иқтибос Шикоят

Эзоҳ илова кунед