05 июн 2014 17:30Тоҷикистон / Иҷтимоӣ

Подоши Юлдошев барои ёфтани кӯзаи пур аз танга дар Истаравшан

Давлат ба Холбек Юлдошев, сокини 22-солаи шаҳри Истаравшан, ки моҳи апрели соли ҷорӣ кўзаи қадимии пур аз танга ёфта буд, 2 ҳазору 918 сомонӣ мукофотпулӣ додааст. Ин дар ҳолест, ки кӯзаи ёфтаи Юлдошев ҳомили 1 ҳазору 459 тангаи мисин буда, ба гуфтаи Мансур Бойматов, масъули Осорхонаи таърихии вилояти Суғд, ба асри XVI, яъне давраи Шайбониён, муталлиқ мебошад.

"Мувофиқи Қонуни Тоҷикистон «Дар бораи ҳифз ва истифодаи объектҳои меросӣ, таърихию фарҳангӣ», ба Холбек Юлдошев - сокини шаҳри Истаравшан, аз 1 ҳазору 459 тангаи мисини дарёфтнамудааш, ҳамчун подош аз арзиши умумии тангаҳо 20% ё худ 2 ҳазору 918 сомонии он пардохт карда мешавад",-афзуд номбурда.

Ин сокини Истаравшан ҳангоми бунёди манзили истиқоматӣ дар маҳаллаи Калламанори шаҳри Истаравшан кӯзаи пурганҷеро ёфт, ки 1459 тангаи қадимии мисин дошт. Он ҳангоми аз зери хок берун овардан, каме шикастааст, вале тангаҳои он бошад, осебе надидаанд. Баъдан, онро барои ташхис ба Осорхонаи таърихии вилояти Суғд супорида буд.

Мӯҳр

Хабарҳои монанд:

Душанбеги

Офарин, Холбек!

Ҷавоб диҳед Иқтибос Шикоят

Ali

Narkhi in tangaho ba chi kimmat mearzida boshad ba u chunin mablagro dodan lozim bud. Dar digar kishvarho chunin ast.

Ҷавоб диҳед Иқтибос Шикоят

Darvesh

Hamu kuzara mada medodi 15 yo 20000$ medodumut. O bachahaki beaqli Istaravshani!!!

Ҷавоб диҳед Иқтибос Шикоят

ali

Холбеки беакл...

Ҷавоб диҳед Иқтибос Шикоят

Нисо

Додарам Холбек баъзехо ин чо шухи кардаанд, ки мегуянд "Hamu kuzara mada medodi 15 yo 20000$ medodumut. O bachahaki beaqli Istaravshani!!! ва ё "Холбеки беакл..." нашавад, ки ин дафъа ёбию надихи! smile

Ҷавоб диҳед Иқтибос Шикоят

Юсуф

Аз кадом ҳисоб ба як ҳазору чорсад тангаи мисин ин тавр нархгузорӣ кардаанд, ки 20% он 2918 сомонӣ шуда бошад? Пас нархи ҳамаи тангаҳоро ба 15 000 сомонӣ (2918 (3000) Х 5 = 15000 сомонӣ арзёбӣ кардаанд? Он тангаҳои қадимаи мисин (?) бояд бебаҳо бошанд. Он тангаҳои дар акс буда бештар ба тилло монанданд. Агар ин дақиқ гардад, Юлдошев бояд боз подоши иловагӣ гирад. Воқеан, ин 20% маблағ фақат дар қаламрави собиқ Шӯравӣ "қонунӣ" шудааст. Агар дар дигар давлат ганҷ ёбӣ, он пурра аз худат мешавад. Фақат аз он андоз месупорӣ. Қонунҳои Тоҷқикистон кӯҳна шудаанд ва бояд тағйир ёбанд.

Ҷавоб диҳед Иқтибос Шикоят

Эзоҳ илова кунед