11 июн 2014 17:26Тоҷикистон / Интихобот - 2015 / Сиёсат

Ҳушдори ҲНИТ ба ҳукумат дар остонаи интихоботи 2015

Шӯрои сиёсии Ҳизби наҳзати исломии Тоҷикистон (ҲНИТ) дар ҷаласаи ғайринавбатияш ҳамла ба раиси худ дар шаҳри Кӯлобро ба баррасӣ гирифта, онро дасти гуруҳе хондааст, ки нооромии наверо дар кишвар хоҳонанд.

Дар изҳороти Шӯрои сиёсии ҲНИТ, аз ҷумла омадааст, “Шӯро ҳодисаи ҳуҷум ба Муҳиддин Кабирӣ - раиси ҳизб ва вакили Маҷлиси намояндагони кишвар ва ҳайати ҳамроҳонаш дар шаҳри Кӯлобро шадидан маҳкум намуда, онро ҷинояти тарҳрезишуда аз ҷониби доираҳое медонад, ки оромиву субот ва ваҳдати миллиро халалдор кардан мехоҳанд.”

Масъулони ҲНИТ гуфтаанд, рух додани чунин ҳодиса дар арафаи ҷашни Ваҳдати миллӣ баёнгари он аст, ки дар кишвар гуруҳе хоҳони бесуботӣ ва нооромии нав мебошад. ҲНИТ ҳушдор додааст, идома ёфтани ин вазъият дар остонаи интихоботи парлумонии соли 2015-и Тоҷикистон барои субот ва амнияти кишвар хатар дорад.

Шӯрои сиёсии ҲНИТ мегӯяд, мақомоти давлатӣ аз сиёсати таҳаммулпазирии раҳбарият ва аъзои ин ҳизб суистифода карда, фишору ҳуқуқвайронкунии худро бештар намудаанд. Аз ҷумла, ба гуфтаи онҳо, “бо роҳи тӯҳмат ва тарсу фишор аз сафи ҳизб берун кардани аъзо, бастани дафтарҳои кории ҳизб бо баҳонаҳои гуногун, нашри мақолаву маводҳои тӯҳматангез ва таҳқиркунанда алайҳи аъзову ҷонибдорони ҳизб, рӯҳоният, арзишҳои динӣ ва миллӣ, фишорҳои иқтисодӣ болои аъзову ҷонибдорони ҳизб афзудааст.”

Дар охир Шӯрои сиёсии ҲНИТ аз ҳукумати Тоҷикистон хостааст, то ҷилави амалҳои ғайриқонунӣ ва иғвогароёнаи баъзе мақомот ва гурӯҳҳои манфиатддорро бигирад ва нишон бидиҳад, ки масъулияти таъмини амният, ҳуқуқу озодиҳои ҳамаи шаҳрвандон ва ҳизбҳои сиёсиро новобаста аз нажод, дин, ҳизбият ва минтақа бардӯш дорад.

Мӯҳр

Хабарҳои монанд:

Садопарда

Падари Пролетариат ва Коммунистони СССР- ЛЕНИН гуфта буд. Вакте, ки ДУ ФИЛ БО ХАМ РАКОБАТ МЕКУНАНД аз ин МУРЧАГОН ОЗОР МЕБИНАНД.
Шумо ХАМААТОН хизбдоро моро норохат кадесен. ЯК маротиба 70 ба 30 карден бас набуд. Ё ин ки кам расид ба касе. Фаромуш накунед ИДИ ВАХДАТИ МИЛЛИ МУБОРАК БОШАД !!!

Ҷавоб диҳед Иқтибос Шикоят

Мусулмон

Ба ҳушдории ҲНИТ ман фақат гуфтаҳои олимонаву орифонаи муовини аввали Вазири авқофи Кувайт Одил Абдуллоҳ ал Фаллоҳро мисол меорам: "Дини мубини Ислом, ин дини бузург ба ягон ҳизбу қонун , низомномаю ойиннома ва фатвоҳои беасоси шахсони алоҳида ниёз надорад. Боз такрор мекунам, ки ин дин бениёз аст, чун Худованд бениёз мебошад.".

Ҷавоб диҳед Иқтибос Шикоят

tojik

kabiri bo chi maksad ba kulob raftaast? pomiriho nashud kulobihoro mexezoned???

Ҷавоб диҳед Иқтибос Шикоят

said

salom musulmone ki khobasti!
Вазири авқофи Кувайт Одил Абдуллоҳ ал Фаллоҳро мисол меорам
uro ovarda maskhara namuded bas nest ki bo az u dalel meori sharm namedori magar? uchuni nagufta bud balki guftaast ki dar mo hizb nest. (shumo) uro digartarjuma namuded! agar islom ba hizb niyoz nadorad pas dar tojikiston hammai hizbhoro bandand ba fikri shumo boyad! va hukumatdori niz lozim nest ba fikri shumo boyad hukumat ham naboshad! in ghayri mantiqi ast!
VAHDAI MILLI POYANDA BOD TOJIKISTONI AZIZ MUBORAK BOSHAD!!!!!!!!!

Ҷавоб диҳед Иқтибос Шикоят

Эзоҳ илова кунед