Боздошти “муллои қасидахон” ба иттиҳоми муносибатҳои шаҳвонӣ
Вазорати умури дохилии Тоҷикистон мегӯяд, Сироҷ Саидов -- сархатиби масҷиди Мирсаид Ҷамолиддини ноҳия Вахш ба иттиҳоми амалҳои шаҳвонӣ нисбат ба занон боздошт шудааст. Ин ниҳод шоми 11 ба 12 июн бо пахши як гузориш дар телевизионҳои давлатӣ эълон кард, ки боздоштшуда аз фаъолони ячейкаи бахши ҲНИТ дар Вахш, сархатиб, имоми масҷиди ба номи Мирсаид Ҷамолиддини ин ноҳия буда, миёни мардуми Вахшу Бохтар ва Қӯрғонтеппа ҳамчун “мулло”-и дамгар ва қасидахон машҳур будааст.
Ба иттилои ВУД, Сироҷ Саидов ба ном худро “мулло” мегирифтаасту ба табобати занҳои безурёт машғул будааст. “Сироҷ Саидов аз моҳи феврали соли равон бо баҳонаи табобат занҳоро қабул намуда, нисбат ба онҳо муносибатҳои шаҳвонӣ мекард”,-гуфта шуд дар гузориши Вазорати умури дохилӣ.
Худи Сироҷ Саидов ҳангоми намоиши барнома иброз дошт, ки ӯ ба боварии занҳо даромада ба хотири табобат кардан аз онҳо пул мегирифт ва нисбаташон амалҳои шаҳвонӣ мекард: “Ман аз кори кардаам пушаймонам ва ба дигарон муроҷиат мекунам, ки ҳеч гоҳ ба ин амалҳои зишт даст назананд”.
Бино ба иттилои ВУД, аз рӯи ин ҳодиса нисбат ба Саидов парванди ҷиноӣ боз шуда, тафтишот идома дорад. Ин дар ҳолест, ки қаблан дар шабакаҳои иҷтимоӣ студияе бо номи “Нури наҳзат” навореро пахш намуд, ки дар он Саидов қасидахонӣ карда, бо як зани ҷавон амалҳои шаҳвонӣ анҷом медод.
Аммо Ҳикматулло Сайфуллозода, як масъули Ҳизби наҳзати исломӣ, ба “Озодагон” гуфт, Сироҷ Саидов узви ҳизби онҳо нест ва “мақсад аз ин маърака бадном кардани ҳизб мебошад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |