“Мотами гурбаи сиёҳ”-и Аброри Зоҳир
Китоби нави Аброр Зоҳир, нависандаи тоҷик, бо номи “Мотами гурбаи сиёҳ” чоп шуд.
Китоби беш аз 300-саҳифаии Зоҳир шомили ду роман - “Мотами гурбаи сиёҳ” ва “Дар ҷустуҷӯи инсон” мебошад. Дар ин ду роман муаллиф мушкилоти то ҳанӯз ҳалли худро наёфтаи инсониятро ба баҳс кашида, хонандаро бо ашхосе рӯбарӯ мекунад, ки гирифтори нобасомониҳои замон гардидаанд.
“Мотами гурбаи сиёҳ”-и Аброр Зоҳир дар нашриёти “Балоғат”-и шаҳри Душанбе бо теъдоди 500 нусха рӯи чоп омадааст.
Аброр Зоҳир 49 сол дошта, дар шаҳри Сарбанд ба дунё омадаааст. Соли 1987 Донишгоҳи давлатии миллии Тоҷикистонро дар риштаи суханшиносӣ хатм карда, корро нахуст дар рӯзномаи вилоятии "Ҳақиқати Хатлон" оғоз менамояд. Ӯ дар вазифаҳои мудири шуъбаи илм ва фарҳанги ҳафтаномаи "Адабиёт ва санъат", сармуҳаррири ҳафтаномаи "Ҷаҳони паём", раҳбари Телевизиони Тоҷикистон, раҳбари киностудияи "Тоҷикфилм", сармутахассиси Шуъбаи иттилоотию таҳлилии Дастгоҳи иҷроияи Президенти Тоҷикистон кор кардааст.
Оқои Зоҳир, ки ҳоло дар курсии раҳбарии Муассисаи давлатии "Фурӯш ва паҳни китобу нашрияҳои даврӣ"- и Душанбе нишастааст, аз сермаҳсултарин нависандагони муосири тоҷик ба шумор мераваду давоми бист соли охир наздикии 40 асари ӯ рӯи чоп омадааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |