16 июн 2014 16:14Оcиёи Марказӣ / Тоҷикистон

Исломов: “Усмоналӣ пеш аз ин барои фирор аз хидмат маҳкум шуда буд”

Додситон Дилшод Исломов рӯзи 16 июн, ҳангоми суханронияш дар Додгоҳи ҳарбии гарнизони Душанбе, гуфт, Усмоналӣ Ғайратов, ки дар латту кӯби Шаҳбол Мирзоев -- сарбози нерӯҳои марзбонӣ муттаҳам мешавад, соли гузашта барои саркашӣ аз хидмат шартан аз озодӣ маҳрум шуда будааст. Исломов гуфт, ҳукми додгоҳ нисбат ба Ғайратов моҳи августи соли гузашта эълон шудааст.

“Ӯ бар асоси моддаи 374-и Кодекси ҷиноӣ барои саркашӣ намудан аз хизмат дар сафи қувваҳои мусаллаҳ маҳкум шуда буд”,-афзуд ӯ. Номбурда иброз дошт, “Усмоналӣ Ғайратовро соли 2012, вақте ба ноҳия Рашт ба хизмати ҳарбӣ мебурданд, аз нисфи роҳ гурехта, ба Русия меравад. Баъд аз бозгашт ба Ватан дар соли 2013 ӯ як сол ҳукми санҷишӣ мегирад”.

Дилшод Исломов бо баёни ин ҳарфҳо аз додрас хост, ӯро дар латту кӯби Шаҳбол Мирзоев бар асоси моддаи 373-и Кодекси ҷиноб муҷрим шинохта, ба даҳ соли зиндон маҳкум кунад. Ӯ дар идома афзуд, “бо таваҷҷуҳ ба кирдорҳое, ки Усмоналӣ қаблан кардааст, ҳеч гуна сабуккунии муҳлати ҷазои ӯ дар қонунгузорӣ пешбинӣ нашудааст”.

Аммо Абубакр Қулматов, вакили мудофеи Усмоналӣ Ғайратов аз додрас хост, айбнома алайҳи зерҳимояаш бар асоси моддаи 118-и Кодекси ҷиноӣ бандубаст шуда, нисбат ба ӯ ҷазои ғайриҳабсӣ татбиқ гардад: “Муфаттиши парвандаи Усмоналӣ Ғайратов зимни тафтишот ба бисёр қонунвайронкунӣ роҳ додааст. Аз ҷумла, дар марҳилаи аввали тафтишот бе ҳузури вакили мудофеъ Ғайратовро бозпурсӣ намудааст.”

Мӯҳр

Хабарҳои монанд:

Юсуф

Агар Усмон сад сол зиндонӣ шавад ҳам, рӯзе ба озодӣ баромада, зиндагиашро давом медиҳад. Вале Шаҳболи бечора чӣ? Магар тайи ин муддат ӯ сиҳат мешавад? Усмон ӯро маъюби якумрӣ кард. Магар барои Усмон ягон намуди ҷазо ҳаст, ки бо маъюбии якумраи Шаҳбол баробар бошад? Агар замонҳои қадим мешуд, қозӣ ҳукм мебаровард, ки сутунмӯҳраи ӯро низ бишкананд, то ҳардуяшон баробар ва як хел азоб бикашанд. Муфаттиш ва адвокати Шаҳбол бояд ба ҳамин тарафи қазия пофишорӣ бикунанд. Судя бояд чизе дигареро низ дар назар дошта бошад, ки ҳукми ӯ дар пешгирии бузургсолорӣ (дедовшина) ва лату кӯб дар артиши Тоҷикистон дар оянда аҳамияти бузург дорад. Шояд ин ҳукм дар барқарории адолат ҳукми таърихӣ бувад!

Ҷавоб диҳед Иқтибос Шикоят

Эзоҳ илова кунед