17 июн 2014 10:04Тоҷикистон / Фарҳангу адаб

Нодира Раҳимова “беҳтарин донандаи забону адабиёти рус” эълон шуд

Нодира Раҳимова, хонандаи синфи 11-и мактаби президентии шаҳри Чкалов, дар олимпиадаи 13-уми байналмилалӣ дар Маскав аз рӯи фанни забону адабиёти рус миёни 206 хонанда аз 30 давлати дунё ғолиби мутлақ эълон гардидааст.

Бар асоси иттилои Вазорати маориф ва илми Тоҷикистон, олимпиада бахшида ба 215-солагии шоири машҳури рус - Александр Сергеевич Пушкин рӯзҳои 5-12 июн баргузор гардида, Тоҷикистонро дар он 5 нафар муаррифӣ намудаанд. Манбаъ мегӯяд, Нодира Раҳимова дар пайи ғолибияти мутлақаш, соҳиби Гран-прӣ ва роҳхат барои идомаи таҳсил дар донишгоҳҳои Федеретсияи Русия шудааст.

Дар ин олимпида, ки ба кори хаттӣ, наттоқӣ, қироати ифоданок, кишваршиносӣ ва дониши таъриху илму фарҳанги Русия баҳогузорӣ мешудааст, намояндагони дигари Тоҷикистон низ соҳиби ҷойҳои намоён гардидаанд. Аз ҷумла, ба иттилои Вазорати маориф ва илми Тоҷикистон, Мадина Сулаймонова -- хонандаи синфи 11-и мактаби байналмилалии президентии Душанбе ҷойи якум, Марям Осимӣ -- хонандаи синфи 9-и мактаби мазкур, Мумтоза Маҳмадова -- хонандаи синфи 8-и гимназияи «Кафолат»-и Душанбе ҷойи дуюм ва Беҳрӯз Сафаров -- хонандаи синфи 9-и мактаби рақами 1-и пойтахт ҷои сеюмро ишғол намудаанд.

Мӯҳр

Хабарҳои монанд:

Рахмил

Офарииннн.

Ҷавоб диҳед Иқтибос Шикоят

Ирфон

Бравосимус ба Умедбахшхои мо.Табрик менем. Мо метавонем.

Ҷавоб диҳед Иқтибос Шикоят

мо

мо бо шумо мефахрем шумохо обруи точикистонро бо донишу малакаатон мебардоред офарин.

Ҷавоб диҳед Иқтибос Шикоят

Юсуф

Агар аз ин шогирдон диктант аз забони тоҷикӣ гирифта шавад, чӣ? Оё онҳо метавониста бошанд мисли ки аз забони русӣ сазовори таҳсину офарин шаванд? Донистани забони русӣ дастовард ҳисоб намешавад. Бахусус барои онҳое, ки дар макотиби русии Душанбе мехонанд ва дар хона низ бо русӣ сухан мекунанд. Барои ин афрод ин забон "модарӣ" ҳисоб мешавад. Ин хелҳо бисёранд. Мисли ҳамеша заб.русӣ дар Душанбе сахт таблиғу ташвиқ мегардад, ҳатто ба зарари фазои забони давлатӣ!

Ҷавоб диҳед Иқтибос Шикоят

Эзоҳ илова кунед