18 июн 2014 12:11Тоҷикистон / Акс
Ҳаракати дасту пои Шаҳбол ва эҳтимоли табобати дуборааш дар Русия
“Се рӯз пеш ташхиси ретгенӣ кардем, натиҷааш хуб буд. Бо як табиб дар Маскав сӯҳбат кардем, камтар қувват гирад, барои муолиҷа онҷо мебарем”-афзуд Мирзоев. Ӯ гуфт, ҳарчанд барои муолиҷаи комили писараш маблағи кофӣ надорад, вале ҳарчӣ аз дасташ меояд, барои ба по хестани Шаҳбол хоҳад кард.
Нуъмон Мирзоев дар идомаи суҳбаташ аз талаби додситон барои даҳ сол зиндонӣ кардани сарбоз Усмоналӣ Ғайратов, ки дар латту кӯби Шаҳбол Мирзоев муттаҳам мешавад, изҳори қаноатмандӣ кард. Ӯ гуфт, агарчӣ бо ин даҳ сол зиндонӣ шудани Ғайратов онҳо манфиате намебинанд, аммо ба қавли ӯ шояд ин дарси ибрат барои дигар куҳнасарбозон бишавад. “Аз ин даҳ соли зиндон талаб шуд, қонеъ ҳастем. Аммо агар ин муҳлат кам бишавад, ҳатман эътироз мекунем, то ҷазои сазовор бидиҳанд”,-афзуд ӯ. Қарор аст имрӯз, 18 июн, Додгоҳи ҳарбии гарнизони Душанбе хулосаи худро дар бораи парвандаи латту кӯби Шаҳбол Мирзоев аз сӯи Усмоналӣ Ғайратов эълон кунад. Додситон Дилшод Исломов дар баромади охирини худ аз додрас хоста буд, то Усмоналиро барои даҳ сол зиндонӣ карда, ба ҳисоби 12 ҳазор сомонӣ ҷарима бандад. Дар курсии айбдорӣ, инчунин, Гулрафтор Ширинова нишастааст, ки шаби латту кӯби Шаҳбол дар қисми низомии 2620 (воқеъ дар ноҳияи Рӯдакӣ) бояд дар нуқтаи тиббӣ навбатдорӣ мекард, аммо он ҷо набудааст.
Худи Усмоналӣ Ғайратов рӯзи 11 июн ҳангоми суханронияш дар додгоҳ худро қисман гунаҳкор эътироф кард. Ӯ гуфт, “дар вайрон намудани оинномаи ҳарбӣ худро гунаҳкор меҳисобам ва аз кори кардаам сад бор пушаймонам. Ба саломатии Шаҳбол зарар расондам ва барои ин корам ҷавоб медиҳам.”
Шаҳбол Мирзоеви 23-сола, сокини ҷамоати Понғози ноҳияи Ашт ва фориғуттаҳсили Донишгоҳи ҳуқуқ ва тиҷорати шаҳри Хуҷанд, ҳамагӣ 8 моҳ қабл довталабона ба хидмати низомӣ рафта буд. Ӯ шоми 6 марти соли ҷорӣ аз сӯи ҳамхидматаш Усмоналӣ дар қисми ҳарбии марзбонии 2620 мавриди “латту кӯб”-и шадид қарор гирифта, сутунмуҳрааш мешиканад. Тӯли ин муддат Шаҳбол дар Қарияи Болои Душанбе, бемористони ҳарбии Русия табобат гирифта, ҳоло дар бемористони шаҳри Хуҷанд бистарист. Падари Шаҳбол гуфта буд, мақомот барои ҷарроҳии писараш дар Русия кумак накардаанд ва ӯ маҷбур шудааст, манзили худро фурӯшад.
Вале ахиран Сарраёсати Қушӯнҳои сарҳадии Тоҷикистон гуфт, танҳо дар як моҳи аввали табобати Шаҳбол дар Қарияи Боло ҳудуди 8 ҳазор сомонӣ харҷ карда, то кунун барояш кумакҳои ғизоӣ ва хуну доруворӣ низ мерасонанд. Ҳарчанд, ба гуфтаи онҳо, гӯиё падари Шаҳбол аз дарёфти чунин кумакҳо даст кашидааст.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
