Сафари Эмомалӣ Раҳмон бо ҳамсараш ба Малайзия
Эмомалӣ Раҳмон, раисиҷумҳури Тоҷикистон, шоми 22 июн бо як сафари давлатӣ вориди Куала-Лумпур, маркази Малайзия, шудааст. Дар аксе, ки дафтари матбуоти раёсати ҷумҳури Тоҷикистон нашр кард, дида мешавад, ҳамсари оқои Раҳмон низ дар ин сафар ӯро ҳамроҳӣ дорад.
Ба қавли ин манбаъ, дидору суҳбати раиси ҷумҳури Тоҷикистон бо мақомоти баландпояи Малаязия субҳи 23 июн оғоз меёбад. “Зимни сафар мулоқоти Президенти Ҷумҳурии Тоҷикистон Эмомалӣ Раҳмон бо Подшоҳи Малайзия волоҳазрат Абдулҳалим Муаззам, Сарвазири ин кишвар Наҷиб Абдурразоқ ва ба имзо расидани як зумра санадҳо дар назар аст, ки ба заминаи қарордодию ҳуқуқии ҳамкории миёни ду кишвар асоси устувор мегузоранд. Санадҳо, аз ҷумла доир ба ташкил ва густариши ҳамкорӣ дар бахшҳои иқтисод, илму техника, таҳсилоти олӣ, туризм, варзиш ва доир ба машваратҳои сиёсӣ ба имзо хоҳанд расид”,-навиштааст торнамои раиси ҷумҳур.
Дар ҷараёни ин сафари Эмомалӣ Раҳмон ба Куала-Лумпур баргузории анҷумани соҳибкорони бонуфузи Тоҷикистону Малайзия ҳам дар назар будааст, ки ба қавли дафтари матбуоти раёсати ҷумҳурӣ, “боиси муаррифии имконоти ҳамкорӣ бо Тоҷикистон ва ба миён омадани робитаҳои мустақими миёни сохторҳои хусусии ду кишвар хоҳад шуд.”
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |