Мунтахаби наврасони Тоҷикистон дар Ҷоми президенти Қазоқистон бо Эрон бозӣ намекунад
Дар ҳайати иштирокдорони 7-умин сабқати байналмилалии Ҷоми президенти Қазоқистон оид ба футбол тағйирот ворид шудааст. Дар ин сабқат футболбозони то 16-сола (U-16) ширкат мекунанд.
Қаблан, хабар дода шуд, дар ин мусобиқа, ки аз 25 то 29 июн дар Остона баргузор мешавад, 8 даста иштирок мекунад. Аммо ахиран кумитаи тадорукот Федератсияи футболи Тоҷикистонро аз тағйирот дар ҳайати иштирокдорон ва тақвими бозиҳо огаҳ кардааст. Мунтахаби Эрон, ки мебоист дар гуруҳи “В” ҳамроҳ бо футболбозони навраси тоҷик қувва меозмуд, дар сабқати мазкур иштирок намекунад. Тими миллии наврасони Чин ҳам дар Ҷоми президенти Қазоқистон-2014 ширкат намекунад.
Акнун, рақобатҳо миёни шаш даста дар ду гуруҳ ҷараён мегирад. Дар гуруҳи “А” Қазоқистон, Гурҷистон, Қирғизистон ва дар гуруҳи “В” Испания, Тоҷикистон, Озарбойҷон қувваозмоӣ хоҳанд кард.
Ҷоизаи мусобиқа 20 ҳазор доллари амрикоӣ аст. Ғолибони ҷойҳои 1, 2 ва 3 мутаносибан 10, 6 ва 4 ҳазор долларӣ мегиранд.
Ҷадвали бозиҳо
Даври 1
25 июн (чоршанбе)
11:00 – Озарбойҷон – ТОҶИКИСТОН
18:00 – Қазоқистон – Қирғизистон
Даври 2
26 июн (панҷшанбе)
15:00 – Гурҷистон – Қазоқистон
18:00 – ТОҶИКИСТОН – Испания
Даври 3
27 июн (ҷумъа)
15:00 – Испания – Озарбойҷон
18:00 – Қазоқистон – Гурҷистон
29 июн (якшанбе)
11:00 – Бозӣ барои ҷойҳои 5-6
13:00 – Бозӣ барои ҷойи 3
18:00 – Финал
Замони оғози бозиҳо ба вақти Душанбе аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |